മേടക്കൂറ്: അശ്വതി, ഭരണി, കാര്‍ത്തിക (1/4)
നിര്‍മാണ പ്രവര്‍ത്തനങ്ങളില്‍ പങ്കുവഹിക്കാന്‍ അവസരം സിദ്ധിക്കുന്നതാണ്. അപ്രതീക്ഷിതമായ ധനവ്യയം വന്നു ചേരുവാന്‍ സാധ്യതയുണ്ട്. താല്‍ക്കാലിക അടിസ്ഥാനത്തില്‍ ചെയ്തുവരുന്നതായ ജോലി സ്ഥിരപ്പെട്ടു കിട്ടുവാന്‍ സാധിക്കുന്നതാണ്.
ഇടവക്കൂറ്: കാര്‍ത്തിക (3/4), രോഹിണി,
മകയിരം (1/2)
കൂട്ടു ബിസിനസ്സില്‍ ചില അഭിപ്രായ ഭിന്നതകള്‍ ഉടലെടുക്കുന്നതാണ്. പ്രേമകാര്യങ്ങളില്‍ പുരോഗതി ദൃശ്യമാവും. ശ്രേയസ്സിനെ പ്രതികൂലമായി ബാധിക്കുന്ന സംഭവ വികാസങ്ങള്‍ക്ക് സാധ്യതയുണ്ട്. കിട്ടാനുള്ള ധനം കൈവശം വന്നു ചേരാന്‍ താമസം നേരിടും.
മിഥുനക്കൂറ്: മകയിരം (1/2), തിരുവാതിര,
പുണര്‍തം (3/4)
സാമ്പത്തികസ്ഥിതി മെച്ചമാവും. സര്‍ക്കാര്‍ ആനുകൂല്യങ്ങള്‍ സിദ്ധിക്കും. സഹോദരങ്ങള്‍ തമ്മില്‍ ഭിന്നതയ്‌ക്ക് സാധ്യതയുണ്ട്. വ്യാപാരകാര്യങ്ങളില്‍ അഭിവൃദ്ധിയുണ്ടാകും.
കര്‍ക്കടകക്കൂറ്: പുണര്‍തം(1/4), പൂയം, ആയില്യം
രാഷ്‌ട്രീയ ഭരണ രംഗങ്ങളില്‍നിന്നും കൂടുതല്‍ സഹായങ്ങള്‍ ലഭ്യമാവും. ഭൂമി സംബന്ധമായ ഇടപാടുകള്‍ നടത്തുന്നതിന് അവസരം വന്നുചേരും. വിശ്വസനീയരില്‍നിന്നും വഞ്ചനാപരമായ പ്രവര്‍ത്തനങ്ങള്‍ക്ക് സാധ്യതയുണ്ട്.
ചിങ്ങക്കൂറ്: മകം, പൂരം, ഉത്രം(1/4)
ഔദ്യോഗിക രംഗത്ത് മാനസിക സംഘര്‍ഷത്തിന് സാധ്യതയുണ്ട്. ആഗ്രഹത്തിനൊത്ത വിവാഹബന്ധം സ്ഥാപിച്ചെടുക്കും. സാമ്പത്തിക സ്രോതസ്സുകള്‍ മന്ദഗതിയിലാവും.
കന്നിക്കൂറ്: ഉത്രം (3/4), അത്തം, ചിത്തിര(1/2)
പൊതുപ്രവര്‍ത്തനരംഗത്ത് ഉന്നതിയും സത്കീര്‍ത്തിയും വന്നുചേരും. ബന്ധുക്കളില്‍നിന്നും പലവിധ സഹായങ്ങളും സിദ്ധിക്കും. നാല്‍ക്കാലികളില്‍ നിന്നും കാര്‍ഷിക വിഭവങ്ങളില്‍ നിന്നും കൂടുതല്‍ ലാഭം ലഭ്യമാവും.
തുലാക്കൂറ്: ചിത്തിര(1/2), ചോതി,
വിശാഖം (3/4)
ഗൃഹനിര്‍മാണം പൂര്‍ത്തീകരിക്കുവാന്‍ സാധിക്കും. ഔദ്യോഗിക പരീക്ഷകളില്‍ വിജയം വരിക്കാന്‍ കഴിയും. പ്രവര്‍ത്തനരംഗങ്ങള്‍ പുഷ്ടിപ്പെടുകയും ധനലാഭം സിദ്ധിക്കുകയും ചെയ്യും.
വൃശ്ചികക്കൂറ്: വിശാഖം(1/4), അനിഴം,
തൃക്കേട്ട
കലാ വിനോദങ്ങളില്‍ പങ്കുകൊള്ളും. സാമ്പത്തിക നേട്ടമുണ്ടാകും ലാഭകരമായ പുതിയ സംരംഭങ്ങളില്‍ ഏര്‍പ്പെടുകയും ചെയ്യും. രാഷ്‌ട്രീയ പ്രവര്‍ത്തകര്‍ക്ക് അനുകൂല സാഹചര്യങ്ങള്‍ വന്നുചേരുന്നതാണ്.
ധനുക്കൂറ്: മൂലം, പൂരാടം, ഉത്രാടം(1/4)
ഔദ്യോഗികമായ സ്ഥാനമാറ്റങ്ങള്‍ക്ക് ഇടയാവും. അര്‍ഹമായി വന്നുചേരേണ്ടതായ ധനത്തിന് കാലതാമസം നേരിടും. ആരോഗ്യനില സാമാന്യം തൃപ്തികരമായി തുടരും. ജീവിത സാഹചര്യത്തില്‍ ചെലവുകള്‍ വര്‍ധിക്കും.
മകരക്കൂറ്: ഉത്രാടം(3/4), തിരുവോണം,
അവിട്ടം (1/2)
ആഗ്രഹിച്ചുവരുന്ന പല കാര്യങ്ങള്‍ക്കും തുടക്കം കുറിക്കുവാന്‍ സാധിക്കും. ഗൃഹകാര്യങ്ങളില്‍ കൂടുതല്‍ ശ്രദ്ധ ചെലുത്തും. ഉദ്യോഗ കയറ്റത്തിന് അവസരം സിദ്ധിക്കും. ശിഥിലീകരിച്ച ബന്ധങ്ങള്‍ പുനഃസ്ഥാപിക്കും.
കുംഭക്കൂറ്: അവിട്ടം(1/2), ചതയം,
പൂരുരുട്ടാതി(3/4)
സേനാവിഭാഗങ്ങളില്‍ ജോലി സാധ്യതയുണ്ട്. സുഹൃത്ജനങ്ങളുമായി അകാരണമായി അകല്‍ച്ചയ്‌ക്ക് സാധ്യത കാണുന്നു. അധികമായ ധനവ്യയത്തിന് സാധ്യതയുണ്ട്.
മീനക്കൂറ്: പൂരുരുട്ടാതി(1/4), ഉതൃട്ടാതി,
രേവതി
ശത്രുശല്യം വര്‍ധിക്കും. പദ്ധതികള്‍ പലതും പാതിവഴിയില്‍ ഉപേക്ഷിക്കാന്‍ സാധ്യതയുണ്ട്. ആരോഗ്യനില മെച്ചമാവും. വാക്കുതര്‍ക്കങ്ങള്‍ പലതും വ്യവഹാര ദുരിതത്തിന് കാരണമാവും.
ജന്മഭൂമി ഓണ്‍ലൈന്‍