തിരുവനന്തപുരം: നിയമസഭയില്‍ പ്രതിപക്ഷം കൊണ്ടുവന്ന അവിശ്വാസ പ്രമേയത്തിനുള്ള മറുപടി മുഖ്യമന്ത്രി പിണറായി വിജയന്‍, സര്‍ക്കാര്‍ നടത്തിയ പ്രബന്ധാവതരണം നടത്തി അറുബോറാക്കി. പ്രസംഗത്തിന് 40 മിനിറ്റായിരുന്നു അനുവദിച്ചിരുന്നത്. എന്നാല്‍ നാലു മണിക്കൂറിലധികം എഴുതി വായന നടത്തിയ മുഖ്യമന്ത്രി സര്‍ക്കാര്‍ നടപ്പിലാക്കിയ പദ്ധതികളുടെ പ്രോഗ്രസ് റിപ്പോര്‍ട്ട് പരത്തി പറയുക മാത്രമാണ് ചെയ്തത്. അവസാന ഒരു മണമിക്കൂര്‍ കവല പ്രസംഗത്തിനു സമാനമായ രാഷ്‌ട്രീയ പ്രസംഗവും നടത്തി.കോവിഡ് കാര്യം വിവരിക്കാന്‍ കണക്ക് വായിച്ച് ഒരുമണിക്കൂര്‍ നടത്തുന്ന പത്രസമ്മേളനത്തെ അനുസ്മരിക്കുന്നതായിരുന്നു മറുപടി പ്രസംഗം
കഴിഞ്ഞ നാല് വര്‍ഷം സംസ്ഥാനത്തിന് ഭേദപ്പെട്ട സാമ്പത്തിക വളര്‍ച്ച നേടാന്‍ കഴിഞ്ഞു. യുഡിഎഫ് ഭരണകാലത്ത് സാമ്പത്തിക വളര്‍ച്ച വളരെ കുറവായിരുന്നു കേന്ദ്രം പൊതുമേഖലയെ വിറ്റഴിക്കാന്‍ ശ്രമിക്കുമ്പോള്‍ സംസ്ഥാനം അവ സംരക്ഷിക്കാന്‍ ശ്രമിക്കുകയാണ്. എട്ട് ലക്ഷം തസ്തികകള്‍ കേന്ദ്രത്തില്‍ ഒഴിഞ്ഞുകിടക്കുന്നു സംസ്ഥാനത്ത് ഒരു ലക്ഷത്തിലേറെ നിയമനം നടന്നു. രാജ്യത്ത് ഏറ്റവും ഉയര്‍ന്ന നിരക്കില്‍ ക്ഷേമ പെന്‍ഷന്‍ നല്‍കുന്നത് സംസ്ഥാനത്താണ്. മുഖ്യമന്ത്രി പറഞ്ഞു.
പ്രതിപക്ഷത്തിന് അവരില്‍ തന്നെ അവിശ്വാസമുളളതു കൊണ്ടാണ് അവിശ്വാസപ്രമേയം കൊണ്ടുവന്നതെന്നയീരുന്നു മുഖ്യമന്ത്രി യുടെ നിലപാട്. യുഡിഎഫില്‍ ഘടകകക്ഷികള്‍ക്കിടയില്‍ ബന്ധം ശിഥിലമായി വരുന്നു. അണികളില്‍ നിന്ന് നേതൃത്വത്തില്‍ അവിശ്വാസം ഉണ്ടായിരിക്കുന്നു. നേരത്തെ ഉണ്ടായിരുന്ന പിന്തുണ നഷ്ടമാകുന്ന അവസ്ഥയാണ് യുഡിഎഫിന്. അസ്വസ്ഥതകള്‍ക്ക് മറയിടാനാണ് അവിശ്വാസം വന്നത്.
ഡല്‍ഹി എഐസിസി ആസ്ഥാനത്ത് മറ്റൊരു അവിശ്വാസം ചര്‍ച്ച ചെയ്യുകയാണ്. മുതിര്‍ന്ന കോണ്‍ഗ്രസ് നേതാക്കള്‍ ബിജെപി ഏജന്റുമാരാണ് എന്ന് പരസ്പരം വിശേഷിപ്പിക്കുന്ന നില വന്നിരിക്കുന്നു.സ്വന്തം നേതാക്കളെ തിരഞ്ഞെടുക്കാന്‍ കെല്‍പില്ലാത്ത അവസ്ഥയിലാണ് കോണ്‍ഗ്രസ്.
രാജ്യം നേരിടുന്ന വിഷയങ്ങളില്‍ ഒന്നിച്ചൊരു നിലപാടെടുക്കാന്‍ കോണ്‍ഗ്രസിന് ഇതുവരെ കഴിഞ്ഞിട്ടില്ല. അയോദ്ധ്യ ക്ഷേത്ര നിര്‍മ്മാണത്തിനെതിരെ കോണ്‍ഗ്രസ് ഒന്നും മിണ്ടിയില്ല. ബിജെപിയുടെ സാമ്പത്തിക നിലപാട് എതിരെ എന്തെങ്കിലും നിലപാടെടുത്തോ?? ബിജെപിയാകാന്‍ കാത്തിരിക്കുന്ന ഒരു കൂട്ടം ആളുകളാണ് ഇന്ന് കോണ്‍ഗ്രസ്. ഇത്ര പതനത്തിലെത്തിയ ഈ പാര്‍ട്ടിയെ കേരളത്തിലെ ജനം എങ്ങനെ വിശ്വസിക്കുമെന്നും അവിശ്വാസ പ്രമേയവുമായി ഇറങ്ങിത്തിരിച്ചതിലെ ഔചിത്യമില്ലായ്‌മ കോണ്‍ഗ്രസ് തിരിച്ചറിയണമെന്നും മുഖ്യമന്ത്രി ആവശ്യപ്പെട്ടു.
