കാസര്‍കോട്: സ്വര്‍ഗീയ മടിക്കൈ കമ്മാര്‍ജി സ്മാരക സേവാ സമിതി യു.എ.ഇ ചാപ്റ്ററിന്റെ ഓണം സേവാനിധി സക്ഷമ കാസര്‍കോട് ജില്ലാ സമിതിക്ക് സമര്‍പ്പിച്ചു. ഓണ്‍ലൈനില്‍ വീഡിയോ കോണ്‍ഫ്രന്‍സ് വഴി നടന്ന പരിപാടിയില്‍ സമിതി അധ്യക്ഷന്‍ രാമകൃഷ്ണന്‍ കരിച്ചേരി സമിത ഉപാധ്യക്ഷന്‍ അഭയന്‍ വാഴാക്കോടില്‍ നിന്ന് സേവാനിധി സ്വീകരിച്ചു കൊണ്ട് നിര്‍വഹിച്ചു. ബിജെപി സംസ്ഥാന ഉപാധ്യക്ഷന്‍ സി.സദാനന്ദന്‍ മാസ്റ്റര്‍ ഉദ്ഘാടനം നിര്‍വഹിച്ചു. സക്ഷമ ജില്ലാ പ്രസിഡണ്ട് കെ.സുധാകരന്‍ മാസ്റ്റര്‍ അധ്യക്ഷത വഹിച്ചു.
യോഗത്തില്‍ സക്ഷമ സംസ്ഥാന ജോയന്റ് സെക്രട്ടറി സി.സി ഭാസ്‌കരന്‍ ആമുഖ ഭാഷണവും സംസ്ഥാന പ്രസിഡണ്ട് ഡോ.എന്‍.ആര്‍. മേനോന്‍ അനുഗ്രഹ ഭാഷണവും നടത്തി. സക്ഷമ ജില്ലാ ട്രഷറര്‍ രഘുനാഥന്‍ നായര്‍, ആര്‍എസ്എസ് ജില്ലാ സഹകാര്യവാഹ് സനല്‍, കമ്മാര്‍ജി സേവാസമിതി രക്ഷാധികാരിമാരായ കരുണന്‍ വാഴാക്കോട്, വേങ്ങയില്‍ ഗോപി തട്ടുമ്മല്‍, വൈസ് പ്രസിഡണ്ടുമാരായ പുരുഷു വാഴാക്കോട് രാജു കരിപ്പാടക്കന്‍, ജനറല്‍ സെക്രട്ടറി ജയേഷ് മുളവന്നൂര്‍, സക്ഷമ താലൂക്ക് അധ്യക്ഷ ഗീതാബാബുരാജ്, ഒബിസി മോര്‍ച്ച ജില്ലാ പ്രസിഡണ്ട് പ്രേമന്‍ എന്നിവര്‍ സംസാരിച്ചു. കമ്മാര്‍ജി സേവാസമിതി രക്ഷാധികാരി പ്രമോദ് സ്വാഗതവും സക്ഷമ ജില്ലാ സെക്രട്ടറി സുരേഷ് നായക് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: