ചെറുതോണി: വാഴത്തോപ്പ് – ചെട്ടിമാട്ടേല് കട ഭാഗത്ത് കാര് റോഡിന് താഴെയുള്ള വയലിലേക്ക് മറിഞ്ഞു. മറിഞ്ഞ കാര് മരത്തില് തട്ടി നിന്നത് കൊണ്ട് അപകടം ഒഴിവായി യാത്രക്കാര് നേരിയ പരിക്കുകളോടെ രക്ഷപ്പെട്ടു. കാറിന്റെ ചില്ല് തകര്ത്താണ് യാത്രക്കാരെ പുറത്തെടുത്തത്.
ഇന്നലെ പുതുതായി വാങ്ങിയ ആള്ട്ടോ കാറുമായി ചെറുതോണിയില് നിന്ന് വാഴത്തോപ്പിലേക്ക് പോകും വഴി ബ്രേക്ക് കിട്ടാതായതാണ് അപകട കാരണമെന്നാണ് വിവരം. വാഴത്തോപ്പ് ആലാനിക്കല് അനീഷ്, തട്ടു പറമ്പില് അനീഷ് എന്നിവരായിരുന്നു വാഹനത്തില് ഉണ്ടായിരുന്നത്. ഇത് വഴി എത്തിയ യാത്രക്കാരാണ് രക്ഷാപ്രവര്ത്തനങ്ങള് നടത്തിയത്.
