കുന്നത്തൂര്: കുന്നത്തൂരില് ആരോഗ്യ പ്രവര്ത്തകയ്ക്ക് കോവിഡ് സ്ഥിരീകരിച്ചു. കുന്നത്തൂര് പ്രാഥമികാരോഗ്യ കേന്ദ്രത്തിലെ ആശാ പ്രവര്ത്തകയ്ക്കും സൗദി അറേബ്യയില് നിന്നും നാട്ടിലെത്തി ഗൃഹനിരീക്ഷണത്തില് കഴിഞ്ഞ പുത്തനമ്പലം സ്വദേശിയുമായ യുവാവിനുമാണ് ഇന്നലെ കോവിഡ് സ്ഥിരീകരിച്ചത്.ഇവരെ പാരിപ്പള്ളി മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ആരോഗ്യ പ്രവര്ത്തകയ്ക്ക് രോഗം സ്ഥിരീകരിച്ചതോടെ കുന്നത്തൂര് ആരോഗ്യകേന്ദ്രം താത്ക്കാലികമായി അടച്ചു. ഡോക്ടര്മാരും ജീവനക്കാരും മറ്റ് ആരോഗ്യ പ്രവര്ത്തകരടക്കമുള്ളവര് ക്വാറന്റ്യ്നില് പ്രവേശിച്ചു. ഇന്നലെ ജീവനക്കാര്ക്ക് നടത്തിയ ആന്റിജന് ടെസ്റ്റ് നെഗറ്റീവായിരുന്നു. തുടര്പരിശോധനകളില് കൂടിയേ അന്തിമ തീരുമാനത്തില് എത്താന് കഴിയുകയുള്ളു.
താലൂക്കിലെ മൂന്ന് പഞ്ചായത്തുകള് റെഡ് സോണുകളും മറ്റുള്ളവ കണ്ടൈന്മെന്റ് സോണുകളുമാണ്. കുന്നത്തൂരില് മാത്രമായിരുന്നു നിയന്ത്രണങ്ങള് ഇല്ലാതിരുന്നത്. കുന്നത്തൂരിലും കടുത്ത നിയന്ത്രണങ്ങള് ഏര്പ്പെടുത്താനുള്ള സാധ്യതയേറി.
