നെടുങ്കണ്ടം: മന്ത്രി എം.എം. മണിയുടെ രാജി ആവശ്യപെട്ട് ബിജെപി ഉടുമ്പന്‍ചോല നിയോജക മണ്ഡലം കമ്മിറ്റിയുടെ നേതൃത്വത്തില്‍ ശാന്തന്‍പാറ പോലീസ് സ്റ്റേഷന്‍ മാര്‍ച്ചും ധര്‍ണയും നടത്തി.
ബിജെപി ഉടുമ്പന്‍ചോല നിയോജകമണ്ഡലം പ്രസിഡന്റ് സി.ഡി. സജീവ് മാര്‍ച്ച് ഉദ്ഘാടനം ചെയ്തു. ഉടുമ്പന്‍ചോലയില്‍ ക്വാറി മാഫിയയുടെ കൈയില്‍ നിന്നും കോടികള്‍ അനധികൃതമായി കൈപ്പറ്റിയ മണി സത്യപ്രതിജ്ഞ ലംഘനം നടത്തിയെന്ന് അദ്ദേഹം ആരോപിച്ചു. കൊറോണ മാനദണ്ഡങ്ങള്‍ കാറ്റില്‍ പറത്തി ഉദ്ഘാടനം നടത്തി. നിയന്ത്രണം നിലനില്‍ക്കെ ബെല്ലി ഡാന്‍സ് നടത്താന്‍ ഒത്താശ ചെയ്ത് കൊടുത്തു.
മന്ത്രി മണിക്കും പരിപാടിയില്‍ പങ്കെടുത്ത രാഷ്‌ട്രീയ സാമുദായിക നേതാക്കള്‍ക്കും എതിരെ നടപടി എടുക്കണമെന്നും അദ്ദേഹം ആവശ്യപ്പെട്ടു. മാര്‍ച്ചിന് ബിജെപി നിയോജകമണ്ഡലം ജനറല്‍ സെക്രട്ടറി ബിനു അമ്പാടി, യുവമോര്‍ച്ച ഉടുമ്പന്‍ചോല നിയോജകമണ്ഡലം പ്രസിഡന്റ് അനീഷ് കെ.പി, ഒബിസി മോര്‍ച്ച നിയോജകമണ്ഡലം ജനറല്‍ സെക്രട്ടറി അഡ്വ. ബിനോജ്, നേതാക്കളായ വിനീത്, അജയന്‍, സുരേഷ് എന്നിവര്‍ നേതൃത്വം നല്‍കി. കൊറോണ നിയന്ത്രണങ്ങള്‍ പാലിച്ചാണ് മാര്‍ച്ചും ധര്‍ണയും നടത്തിയത്.
