തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറി സ്ഥാനത്തു നിന്ന് എം. ശിവശങ്കറിനെ മാറ്റി. പകരം മിര് മുഹമ്മദ് ഐഎഎസിന് ചുമതല നല്കി ഡിപ്ലോമാറ്റിക്ക് ബാഗേജ് വഴി കോടിക്കണക്കിനു രൂപയുടെ സ്വര്ണം കടത്തിയ കേസിലെ മുഖ്യപ്രതി സ്വപ്ന സുരേഷിന് മുഖ്യമന്ത്രിയുടെ സെക്രട്ടറിയും ഐടി പ്രിന്സിപ്പല് സെക്രട്ടറിയുമായ എം. ശിവശങ്കറുമായി അടുത്ത ബന്ധമെന്ന് തെളിഞ്ഞതിനെ തുടര്ന്നാണ് നടപടി. അതേസമയം, ഐടി സെക്രട്ടറിയായി ശിവശങ്കര് തുടരുമെന്നാണ് റിപ്പോര്ട്ട്.ശിവശങ്കറിനെ ചോദ്യം ചെയ്യാന് കസ്റ്റംസ് തയാറെടുക്കുന്നു എന്നാണ് റിപ്പോര്ട്ട്. വിഷയത്തില് ശിവശങ്കറില് നിന്നു മുഖ്യമന്ത്രി റിപ്പോര്ട്ട് തേടിയിരുന്നു. വിശദീകരണം തൃപ്തികരമല്ലെന്നാത്തതിനാലാണ് സെക്രട്ടറി സ്ഥാനങ്ങളില് നിന്നു ശിവശങ്കറിനെ മാറ്റിനിര്ത്തിയത്. തന്റെ ഓഫിസിലേക്ക് കൂടുതല് തെളിവുകള് എത്തും മുന്പ് ശിവശങ്കറിനെ നീക്കി തടിയൂരാനാണ് പിണറായി സര്ക്കാരിന്റെ ശ്രമം.
ഐടി സെക്രട്ടറി ശിവശങ്കരന് പതിവായി സ്വപ്നയുടെ ഫ്ളാറ്റ് സന്ദര്ശിക്കാര് ഉണ്ടായിരുന്നു എന്നാണ് അയല്വാസികളുടെ വെളിപ്പെടുത്തല്. മിക്കദിവസങ്ങളിലും രാത്രി വൈകിയും ഇവിടെ മദ്യപാന പാര്ട്ടി നടത്തിയിരുന്നു. ഇതിനെതിരെ പരാതി നല്കിയെങ്കിലും ഉന്നത സ്വാധീനം മൂലം പൊലീസ് നടപടി കൈക്കൊണ്ടിരുന്നില്ലെന്നാണ് അയല്വാസികള് ചാനലുകളോടു പറഞ്ഞു.മുടവന്മുകളില് സ്വപ്ന രണ്ടാം ഭര്ത്താവിനൊപ്പം സഞ്ചരിച്ചിരുന്ന സമയത്തായിരുന്നു ഐടി സെക്രട്ടറി പതിവായി സന്ദര്ശിച്ചിരുന്നത്. ഇത് സമീപവാസികള്ക്ക് നല്ല ശല്യമായ ഘട്ടത്തില് പരാതിയും ഉയര്ന്നിരുന്നു. സര്ക്കാര് വാഹനങ്ങള് രാത്രി പതിവായി വരുമായിരുന്നു.
നരച്ച താടിയും മുടിയുമുള്ള ആളായിരുന്നു. സര്ക്കാര് ഉദ്യോഗസ്ഥനാണെന്ന് അറിയാമായിരുന്നു. അടുത്തകാലത്ത് സ്പ്രിന്ക്ലര് വിവാദത്തില് വലിയ മാധ്യമശ്രദ്ധ ലഭിച്ചതോടെ ആണു ആള് ശിവശങ്കരന് ആണെന്ന് അറിഞ്ഞതെന്നും അയല്വാസികള് പറഞ്ഞു.മദ്യപിച്ചു രാത്രി ഒന്നര മണിയോളം കഴിഞ്ഞ് പലപ്പോഴും വണ്ടിയിലേക്ക് എടുത്തുകൊണ്ടു പോകേണ്ട അവസ്ഥിയിലായിരുന്നു ശിവശങ്കര്. ഇതിന്റെ പേരില് എന്തു കേസു കൊടുത്താലും പൊലീസിനെ വിളിച്ചു പരിഹരിക്കുകയായിരുന്നു ചെയ്തിരുന്നത്. ഒരിക്കല് മ്യൂസിയം സര്ക്കിളിനെ വരെ വിളിച്ചു പറഞ്ഞിട്ടുണ്ടെന്നം അയല്വാസി പറഞ്ഞു. ഒരിക്കല് രാത്രി ഒന്നരയ്ക്ക് ഗേറ്റ് തുറന്നു കൊടുക്കാത്തതു കൊണ്ട് സെക്യൂരിറ്റിയെ മര്ദ്ദിച്ച സംഭവവും ഉണ്ടായി. സ്വപ്നയുടെ രണ്ടാമത്തെ ഭര്ത്താവാണ് അടിച്ചതെന്നും സമീപവാസികള് പറഞ്ഞു.സ്വപ്നക്കതെിരെ പരാതി പതിവായതോടെയാണ് ഇവര് ഇവിടെ നിന്നും മാറിയത്. കാശ് കൊടുക്കാന് എന്നു പറഞ്ഞു നിരവധി പേര് ഇതിലേ വന്നിരുന്നു. ശിവശങ്കരനെ പോലെ നിരവധി പേര് ഇവിടെ വന്നിരുന്നുവെന്നും അയല്വാസികള് പറഞ്ഞു. അസോസിയേഷന് പ്രസിഡന്റ് കേസു കൊടുത്ത സംഭവം പോലും ഉണ്ടായിരുന്നു.
മുഖ്യമന്ത്രി ഭരിക്കുന്ന ഐടി വകുപ്പിലെ കെഎസ്ഐടിഎല്ലിനു കീഴില് സ്പേസ് പാര്ക്കിന്റെ മാര്ക്കറ്റിംഗ് ലൈസന് ഓഫീസര് ആയിരുന്നു സ്വപ്ന. സ്വര്ണക്കടത്ത് കേസിലെ മുഖ്യ ആസൂത്രകയെന്ന് കസ്റ്റംസ് വകുപ്പ് കണ്ടെത്തിയതോടെ സ്വപ്ന സുരേഷിനെ ഐടി വകുപ്പ് ജോലിയില് നിന്ന് പിരിച്ചുവിട്ടു. താത്കാലിക നിയമനത്തിലാണ് ഇവര് ഐടി വകുപ്പില് കയറിപ്പറ്റിയത്.
