മേടക്കൂറ്: അശ്വതി, ഭരണി, കാര്ത്തിക (1/4)
പുതിയ ചില വ്യവസായങ്ങള് തുടങ്ങാനിടവരും. ഭാര്യയുമായി അഭിപ്രായ ഭിന്നതകള് ഉണ്ടാകും. പല ജോലികളിലും വേണ്ടത്ര മുന്നേറ്റമുണ്ടാകും. സാമ്പത്തിക കാര്യങ്ങളിലും കുടുംബ കാര്യങ്ങളിലും വേണ്ടത്ര പുരോഗതി കാണുന്നില്ല. വിനോദകാര്യങ്ങള്ക്ക് അനാവശ്യമായി പണം ചെലവഴിക്കും. സര്ക്കാര് ആനുകൂല്യങ്ങള് തടഞ്ഞുവച്ചേക്കും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
ബാങ്കുകളിലും മറ്റും ജോലി ചെയ്യുന്നവര്ക്ക് പ്രമോഷന് ലഭിക്കും. വിദേശത്തേക്ക് വിനോദയാത്ര സംഘടിപ്പിച്ച് നടത്തും. കക്ഷിരാഷ്ട്രീയ പ്രവര്ത്തകര്ക്ക് അനുകൂല സമയമാണ്. എഗ്രിമെന്റ് മുഖേന കിട്ടേണ്ട പണം കൈവശം വന്നുചേരും. ബന്ധുബലം വര്ധിക്കും. ഏറ്റെടുത്ത പ്രവൃത്തികള് നല്ല നിലയില് നിര്വഹിക്കും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
പുതിയ വ്യാപാരശ്രമങ്ങളിലേര്പ്പെടും. പരീക്ഷകളില് ഉന്നത വിജയം കൈവരിക്കും. പുണ്യസ്ഥലങ്ങള് സന്ദര്ശിക്കും. പൊതുവേ പലവിധ സൗകര്യങ്ങള് അനുഭവിക്കാനിടയുണ്ട്. തൊഴില് സ്ഥിരീകരണം ലഭിക്കും. വരവും ചെലവും തുല്യമായിരിക്കും. ഭാര്യ മുഖേന സാമ്പത്തികലബ്ധിയുണ്ടാകും. രോഗികള്ക്ക് ശാരീരികാരോഗ്യം തിരിച്ചുകിട്ടും.
കര്ക്കടകക്കൂറ്: പുണര്തം (1/4), പൂയം, ആയില്യം
വീട്ടില് ചില മംഗളകാര്യങ്ങള് നടക്കും. ഭാര്യക്ക് ചില്ലറ അസുഖങ്ങള് വന്നുപെടും. ചെയ്യാത്ത കാര്യങ്ങള്ക്ക് വിശദീകരണം നല്കേണ്ടതായിവരും. പുതിയ ജോലിയിലോ ബിസിനസ്സിലോ പ്രവേശിക്കും. കര്മസ്ഥാനത്ത് തസ്കരശല്യമുണ്ടാകും. മനസ്സിന് അസ്വസ്ഥത വരും. പുതിയ സുഹൃദ്വലയങ്ങളുണ്ടാകും.
ചിങ്ങക്കൂറ്: മകം, പൂരം, ഉത്രം (1/4)
വിദേശവ്യാപാരത്തില്നിന്നുള്ള വരുമാനം വര്ധിക്കും. കുടുംബത്തില് സുഖവും സമാധാനവും നിലനില്ക്കും. വാക്കുകള് ഉപയോഗിക്കുമ്പോള് വളരെ സൂക്ഷിക്കേണ്ടതാണ്. കേസുകളിലും മറ്റും അനുകൂല വിജയമുണ്ടാകും. പരസ്യം മുഖേന ആദായം ലഭിക്കും. പുതിയ ജോലിയില് പ്രവേശിക്കും.
കന്നിക്കൂറ്: ഉത്രം (3/4), അത്തം, ചിത്തിര (1/2)
സുഹൃത്തുക്കളില്നിന്ന് സഹായം ലഭിക്കും. വാഹനാപകടത്തില് ആശുപത്രിവാസം അനുഭവിക്കേണ്ടിവരും. മന്ദഗതിയിലായിരിക്കുന്ന വ്യാപാര സ്ഥാപനം നല്ല രീതിയില് നടക്കാന് യത്നിക്കും. പാര്ട്ണര്ഷിപ്പ് പിരിയും, സന്താനത്തിന് അസുഖം വരും. ഭാര്യയുടെ സ്വത്ത് അനുഭവയോഗ്യമാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
ഭൂമിയുടെ വില്പ്പനയില് പ്രതീക്ഷിക്കാത്ത വരുമാനം ലഭിക്കും. കമ്പ്യൂട്ടര് രംഗത്ത് പ്രവര്ത്തിക്കുന്നവര്ക്ക് മെച്ചപ്പെട്ട ഉദ്യോഗം ലഭിക്കും. യാത്രാക്ലേശം അനുഭവപ്പെടും. അധ്വാനഭാരം കൂടും. പിതൃസ്വത്ത് ലഭിക്കും. രോഗികള്ക്ക് അസുഖം വര്ധിക്കും. മനോവിഷമം കൂടും. ഔഷധങ്ങള് ഫലിച്ചെന്നുവരില്ല.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
യുവജനങ്ങളുടെ വിവാഹകാര്യം തീരുമാനമാകും.ഒന്നിലധികം കേന്ദ്രങ്ങളില്നിന്ന് സാമ്പത്തികലബ്ധിയുണ്ടാകും. സര്ക്കാരില്നിന്ന് സമ്മാനങ്ങളോ മറ്റോ ലഭിക്കാനിടയുണ്ട്. ധനാഗമമുണ്ടാകും. വ്യാപാരത്തില് പുരോഗതിയുണ്ടാകും. മകന്റെ ജോലിക്കുവേണ്ടി യത്നിക്കും. വരുമാന മാര്ഗങ്ങള് വര്ധിക്കും.
ധനുക്കൂറ്: മൂലം, പൂരാടം, ഉത്രാടം (1/4)
ജോലിയില് സദാ വ്യാപൃതനാകുമെങ്കിലും അഭിനന്ദനമോ അംഗീകാരമോ ലഭിക്കുന്നതല്ല. മേലുദ്യോഗസ്ഥരില്നിന്ന് പ്രതികൂല നിലപാടുണ്ടാകും. പുതിയ വാഹനം അധീനതയില് വരും. വിചാരിക്കാത്ത കേന്ദ്രങ്ങളില്നിന്ന് ശത്രുതയുണ്ടാകും. എല്ലാ കാര്യങ്ങളിലും ദൈവാധീനമുണ്ടാകും. ധനസ്ഥിതിയില് ഉയര്ച്ചയുണ്ടാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
വീട്ടില് ചില മംഗളകര്മങ്ങള് നടക്കാനിടയുണ്ട്. അനുബന്ധ ഭൂമി വാങ്ങുവാനിടവരും. സന്താനങ്ങളുടെ വിജയത്തില് മനസ്സ് സന്തുഷ്ടമാകും. ഭാര്യാവീട്ടുകാരുമായി ചില തര്ക്കങ്ങള് ഉയര്ന്നുവന്നേക്കാം. നേത്രരോഗം, ബ്ലഡ് പ്രഷര് എന്നിവ പിടിപെട്ടേക്കും. വരുമാനത്തില് കവിഞ്ഞ ചെലവുണ്ടാകും
.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
വായ്പകളും ആനുകൂല്യങ്ങളും എളുപ്പത്തില് കിട്ടുമാറാകും. വീട്ടില് പൂജാദികര്മങ്ങള് നടത്തും. സന്താനങ്ങളുടെ കാര്യം ആലോചിച്ച് മനസ്സ് വ്യാകുലപ്പെടും. പുതിയ ഔദ്യോഗിക ചുമതലകള് ഏറ്റെടുക്കും. സോഫ്റ്റ്വെയര്, ഹാര്ഡ്വേര് എന്നിവയുമായി ബന്ധപ്പെട്ടവര്ക്ക് അനുകൂലമാണ്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
രാഷ്ട്രീയക്കാര്ക്ക് അനുകൂല സമയമാണ്. ദുര്വ്യയം വന്നുചേരും. ജീവിതരീതിയില് മാറ്റം വരുത്തും. ശാരീരികമായി ക്ഷീണമനുഭവപ്പെടും. ധനകാര്യ സ്ഥാപനത്തിന്റെ സഹായത്തോടുകൂടി ഗൃഹനിര്മ്മാണം പൂര്ത്തിയാക്കും. ഉന്നത വ്യക്തികളുടെയും സര്ക്കാര് തലത്തിലുള്ളവരുടെയും സഹായമുണ്ടാകും.
