കാസര്കോട്: കാസര്കോട് ജില്ലയില് ഇന്നലെ ഏഴ് പേര്ക്ക് കൂടി കോവിഡ് 19 സ്ഥിരീകരിച്ചു. രോഗം സ്ഥിരീകരിച്ച എല്ലാവരും വിദേശത്ത് നിന്നെത്തിയതാണെന്ന് ജില്ലാ മെഡിക്കല് ഓഫീസര് ഡോ എ.വി രാംദാസ് അറിയിച്ചു. ജൂണ് 19ന് ദുബായില് നിന്നെത്തിയ 60 വയസുള്ള പള്ളിക്കര പഞ്ചായത്ത് സ്വദേശി, കുവൈത്തില് നിന്നെത്തിയ 38 വയസുള്ള കാഞ്ഞങ്ങാട് നഗരസഭാ സ്വദേശി (അഞ്ചരക്കണ്ടി മെഡിക്കല് കോളേജ്) എന്നിവര്ക്കും ജൂണ് 24ന് ഖത്തറില് നിന്നെത്തിയ 27 വയസുള്ള പുല്ലൂര് പെരിയ പഞ്ചായത്ത് സ്വദേശി, ജൂണ് 28ന് ദുബായില് നിന്നു വന്ന 25 വയസുള്ള പള്ളിക്കര പഞ്ചായത്ത് സ്വദേശി( ജിഎച്ച് തലശേരി), ജൂണ് 30ന് മസ്കറ്റില് നിന്നെത്തിയ 31 വയസുള്ള അജാനൂര് പഞ്ചായത്ത് സ്വദേശി(എംസിഎച്ച് പരിയാരം), ജൂണ് 30ന് ഒമാനില് നിന്നു വന്ന 55 വയസുള്ള ചെമ്മനാട് പഞ്ചായത്ത് സ്വദേശി (ജിഎച്ച് തലശ്ശേരി), ജൂണ് 30ന് സൗദിയില് നിന്ന് വന്ന 29 വയസുള്ള മംഗല്പാടി പഞ്ചായത്ത് സ്വദേശി (കോഴിക്കോട് സിസിസി) എന്നിവര്ക്കും കോവിഡ് സ്ഥിരീകരിച്ചു. കാസര്കോട് മെഡിക്കല് കോളേജ്, പടന്നക്കാട് കോവിഡ് ചികിത്സാ കേന്ദ്രം, പരിയാരം മെഡിക്കല് കോളേജ് എന്നിവിടങ്ങളില് ചികിത്സയിലുണ്ടായിരുന്ന 13 പേര്ക്ക് കോവിഡ് നെഗറ്റീവായി.
പടന്നക്കാട് കോവിഡ് ചികിത്സാ കേന്ദ്രത്തില് ചികിത്സിയിലുണ്ടായിരുന്ന വിദേശത്ത് നിന്നെത്തിയ 25 വയസുള്ള അജാനൂര് പഞ്ചായത്ത് സ്വദേശി, 42 വയസുള്ള നീലേശ്വരം നഗരസഭ സ്വദേശി, മഹാരാഷ്ട്രയില് നിന്നെത്തിയ 44 വയസുള്ള മംഗല്പാടി പഞ്ചായത്ത് സ്വദേശിനി, 58 വയസുള്ള പടന്ന പഞ്ചായത്ത് സ്വദേശി, 26 വയസുള്ള വോര്ക്കാടി പഞ്ചായത്ത് സ്വദേശിനി എന്നിവര്ക്കും കാസര്കോട് മെഡിക്കല് കോളേജില് ചികിത്സയിലുണ്ടായിരുന്ന 58 വയസുള്ള മീഞ്ച പഞ്ചായത്ത് സ്വദേശി, 59 വയസുള്ള ഉദുമ പഞ്ചായത്ത് സ്വദേശി, മംഗല്പാടി പഞ്ചായത്തിലെ ഏഴ് വയസുള്ളകുട്ടി (എല്ലാവരും മഹാരാഷ്ട്രയില് നിന്നെത്തിയവര്), വിദശത്ത് നിന്നെത്തിയ 39 വയസുള്ള കാറഡുക്ക പഞ്ചായത്ത് സ്വദേശി, 38 വയസുള്ള പള്ളിക്കര പഞ്ചായത്ത് സ്വദേശി, 30 വയസുള്ള ചെങ്കള പഞ്ചായത്ത് സ്വദേശി, 44 വയസുള്ള ചെങ്കള പഞ്ചായത്ത് സ്വദേശി എന്നിവര്ക്കും പരിയാരം മെഡിക്കല് കോളേജില് ചികിത്സയിലുണ്ടായിരുന്ന കുവൈത്തില് നിന്നെത്തിയ 47 വയസുള്ള അജാനൂര് പഞ്ചായത്ത് സ്വദേശി എന്നിവര്ക്കാണ് കോവിഡ് നെഗറ്റീവായത്.
വീടുകളില് 6556 പേരും സ്ഥാപനങ്ങളില് നീരിക്ഷണത്തില് 345 പേരുമുള്പ്പെടെ ജില്ലയില് നിരീക്ഷണത്തിലുള്ളത് 6901 പേരാണ്. പുതിയതായി 335 പേരെ നീരിക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 292 പേരുടെ സാമ്പിളുകള് പരിേശാധനയ്ക്ക് അയച്ചു. 526 പേരുടെ പരിശോധനാ ഫലം ലഭിക്കാനുണ്ട്. 531 പേര് നിരീക്ഷണകാലയളവ് പൂര്ത്തീകരിച്ചു.
