ന്യൂദല്‍ഹി : പാക്കിസ്ഥാനെ കൂട്ടുപിടിച്ച് ഭീകരരുമായി ചേര്‍ന്ന് ഇന്ത്യയ്‌ക്കെതിരെ തന്ത്രങ്ങള്‍ മെനയുന്നതിനായി റിപ്പോര്‍ട്ട്. ഭീകരരുമായി ചേര്‍ന്ന് ജമ്മു കശ്മീരില്‍ ഭീകരാക്രമണത്തിന് ചൈന പദ്ധതി തയ്യാറാക്കുന്നതായാണ് റിപ്പോര്‍ട്ടുകള്‍.
ഇന്ത്യയിലെ വിവിധ സ്ഥലങ്ങളില്‍ ഭീകരാക്രമണങ്ങള്‍ക്ക് പദ്ധതിയിടുന്ന ഭീകര സംഘടനയായ അല്‍ ബദറിലെ ഭീകരരുമായി ചൈനീസ് പ്രതിനിധികള്‍ ചര്‍ച്ച നടത്തിയതായും റിപ്പോര്‍ട്ടില്‍ പറയുന്നു. ഇതിന്റെ പശ്ചാത്തലത്തില്‍ ഇന്ത്യ അതിര്‍ത്തി പ്രദേശങ്ങളില്‍ സുരക്ഷ കര്‍ശ്ശനമാക്കി.
അല്‍ ബദറിന്റ പ്രവര്‍ത്തനങ്ങള്‍ സൈന്യം ഇല്ലാതാക്കിയിരിന്നു. എന്നാല്‍ അടുത്ത കാലത്തായി ഈ സംഘടന ജമ്മു കശ്മീരില്‍ വീണ്ടും പ്രവര്‍ത്തനങ്ങള്‍ ആരംഭിക്കുന്നതായി പോലീസ് മേധാവി ദില്‍ബഗ് സിങ് അറിയിച്ചിരുന്നു. ഇതിന് പിന്നിലും ചൈനയുടെ കൈകളാണെന്നാണ് റിപ്പോര്‍ട്ടുകളില്‍ പറയുന്നത്.
ഇത് കൂടാതെ ഇന്ത്യക്കെതിരെ ഭീകരാക്രമണം നടത്തുന്നതിന് പാക്കിസ്ഥാന്‍ ചാര സംഘടനയായ ഐഎസ്ഐയേയും ചൈനീസ് പ്രതിനിധികള്‍ സമീപിച്ചതായും റിപ്പോര്‍ട്ടുകളുണ്ട്. ചൈനയും പാക്കിസ്ഥാനും തമ്മില്‍ സൈനിക തലത്തിലും ബന്ധം പുലര്‍ത്തുന്നുണ്ട്.
