മമ്പറം: പിണറായി പടന്നക്കരയില് സിപിഎം പാര്ട്ടി അംഗം ഉള്പ്പടെയുള്ളവരുടെ വീട്ടുമതില് തകര്ക്കുകയും സ്ത്രീകളെ അക്രമിക്കുകയും ചെയ്തവര്ക്കെതിരെ പോലീസ് കര്ശന നടപടി കൈകൊള്ളണമെന്ന് ബിജെപി ജില്ലാ പ്രസിഡന്റ് എന്.ഹരിദാസ്. സംഭവസ്ഥം സന്ദര്ശിച്ച ശേഷം സംസാരിക്കുകയായിരുന്നു അദ്ദേഹം.
ബുധനാഴ്ച സി.പി.എം അക്രമത്തിനിരയായ മൈഥിലിയുടെയും ലളിതയുടെയും വീടുകളില് രാത്രി സംഘടിച്ചെത്തി അക്രമം നടത്താന് ഒത്താശ നടത്തിയ പോലീസുകാര്ക്കെതിരെ നടപടി സ്വീകരിക്കണം. ഇരകള്ക്ക് നീതി ഉറപ്പാക്കേണ്ട പോലീസ് രാത്രി സ്ത്രീകളെ ഉള്പ്പെടെ ആക്രമിച്ചവര്ക്കെതിരെ നിസ്സാര വകുപ്പുകള് ചേര്ത്ത് കേസെടുത്തത് ഇതിന് തെളിവാണ്.
മുഖ്യമന്ത്രിയുടെ നാട്ടില് സ്വന്തം പാര്ട്ടിയിലെ വനിതാ പ്രവര്ത്തകയ്ക്ക് പോലും രക്ഷയില്ലാത്ത സ്ഥിതിയാണ്. കാട്ടുനീതിയാണ് നടപ്പാക്കുന്നത്. നീതിക്കുവേണ്ടിയുള്ള സമരത്തില് അവസാന നിമിഷം വരെ ബിജെപി കൂടെയുണ്ടാവുമെന്നും അദ്ദേഹം പറഞ്ഞു. ധര്മ്മടം മണ്ഡലം പ്രസിഡണ്ട് കെ.പി. ഹരീഷ് ബാബു, എ. അനില്കുമാര്, അജയകുമാര് മീനോത്ത് എന്നിവരും അദ്ദേഹത്തോടെപ്പം ഉണ്ടായിരുന്നു.
ജന്മഭൂമി ഓണ്ലൈന്