കാസര്‍കോട്: പിന്‍വാതില്‍ നിയമനത്തിന് പിഎസ്‌സി കൂട്ട് നില്‍ക്കുകയാണെന്ന് ബിജെപി ജില്ലാ അദ്ധ്യക്ഷന്‍ അഡ്വ. കെ.ശ്രീകാന്ത് പറഞ്ഞു. യുവമോര്‍ച്ച ജില്ലാ കമ്മറ്റിയുടെ നേതൃത്വത്തില്‍ കാസര്‍കോട് പിഎസ്‌സി ഓഫീസിലേക്ക് നടത്തിയ ധര്‍ണ്ണ ഉദ്ഘാടനം ചെയ്യുകയായിരുന്നു അദ്ദേഹം.
റാങ്ക് ലിസ്റ്റില്‍ ഉള്‍പ്പെട്ട ഉദ്യോഗാര്‍ത്ഥികളുണ്ടെന്നിരിക്കെ ഈ കോവിഡ് കാലഘട്ടത്തില്‍ പോലും നിയമനങ്ങള്‍ നടത്തിയത് താല്‍ക്കാലികമായിട്ടാണ്. അത് പാര്‍ട്ടി അണികളെയാണ് നിയമിച്ചിരിക്കുന്നത്. ഈ പിന്‍വാതില്‍ നിയമനം നടത്തുന്നത് യുവജനങ്ങളോടുള്ള വെല്ലുവിളിയാണ്. റാങ്ക് ലിസ്റ്റില്‍ ഉള്ളവരുടെ നിയമനം എത്രയും പെട്ടന്ന് പൂര്‍ത്തീകരിക്കണം അതോടപ്പം കാലാവധി നീട്ടി നല്‍കണമെന്നും ശ്രീകാന്ത് ആവശ്യപ്പെട്ടു.
യുവമോര്‍ച്ചയുടെ സമരത്തിന് ബിജെപി പിന്തുണ പ്രഖ്യാപിച്ചു. ധര്‍ണ്ണ സമരത്തില്‍ യുവമോര്‍ച്ച ജില്ലാ പ്രസിഡന്റ് ധനഞ്ജയന്‍ മധൂര്‍ അദ്ധ്യക്ഷത വഹിച്ചു. ജില്ലാ ജനറല്‍ സെക്രട്ടറി വൈശാഖ് കേളോത്ത് സ്വാഗതവും സെക്രട്ടറി സാഗര്‍ തെക്കേക്കര നന്ദി പറഞ്ഞു. ജില്ലാ നേതാക്കളായ അഞ്ചു ജോസ്റ്റി, ജിതേഷ്, ജയരാജ് ഷെട്ടി എന്നിവര്‍ സംസാരിച്ചു.
