കൊല്ലം: 112 എന്ന ടോള്ഫ്രീ നമ്പറിന് സ്വീകാര്യതയേറുന്നു. ഇതിലേക്ക് വിളിച്ചാല് എത്രയും പെട്ടെന്ന് സഹായം ലഭ്യമാകുന്നതാണ് കാരണം. പെട്ടെന്ന് സഹായം എത്തിക്കാന് കഴിയുന്ന രീതിയിലാണ് ഇതിന്റെ കണ്ട്രോള് റൂം തയ്യാറാക്കിയിരിക്കുന്നത്. അടിയന്തരസഹായം ലഭ്യമാക്കുന്നതിന് രാജ്യവ്യാപകമായി ഒറ്റനമ്പര് ഏര്പ്പെടുത്തുന്നതിന്റെ ഭാഗമായാണ് കേരളത്തിലും ഈ സംവിധാനം നിലവില് വന്നത്. പുതിയ സംവിധാനത്തില് എല്ലാ ആവശ്യങ്ങള്ക്കും 112 എന്ന ടോള്ഫ്രീ നമ്പര് ഡയല് ചെയ്താല് മതിയാകും.
പോലീസ് ആസ്ഥാനത്ത് 24 മണിക്കൂറും പ്രവര്ത്തിക്കുന്ന കമാന്ഡ് സെന്ററില് ലഭിക്കുന്ന സന്ദേശങ്ങള് ക്രോഡീകരിക്കുന്നത് സാങ്കേതിക പരിജ്ഞാനവും ഭാഷാപ്രാവീണ്യവുമുള്ള പോലീസുദ്യോഗസ്ഥരാണ്. സഹായം തേടി വിളിക്കുന്നത് എവിടെ നിന്നാണെന്ന് ആധുനിക സാങ്കേതികവിദ്യയുടെ സഹായത്തോടെ കമാന്ഡ് സെന്ററിന് മനസ്സിലാക്കാനാകും. ജില്ലകളിലെ കണ്ട്രോള് സെന്ററുകള് മുഖേന കണ്ട്രോള് റൂം വാഹനങ്ങളെ ഈ സംവിധാനവുമായി ബന്ധിപ്പിച്ചിരിക്കുന്നതിനാല് ഉടനടി തന്നെ പോലീസ് സഹായം ലഭ്യമാക്കാനും കഴിയും.
112 ഇന്ത്യ എന്ന മൊബൈല് ആപ്പ് ഉപയോഗിച്ചും കമാന്ഡ് സെന്ററിന്റെ സേവനം ഉപയോഗപ്പെടുത്താം. ഈ ആപ്പിലെ പാനിക്ക് ബട്ടന് അമര്ത്തിയാല് പോലീസ് ആസ്ഥാനത്തെ കമാന്ഡ് സെന്ററില് സന്ദേശം ലഭിക്കും. അവിടെനിന്ന് തിരിച്ച് ഈ നമ്പറിലേക്ക് വിളിച്ച് ആവശ്യമായ നടപടി സ്വീകരിക്കുകയും ചെയ്യും. 108 ആംബുലന്സുകളുടെ സേവനവും ഇതിലൂടെ ലഭ്യമാണ്. നെറ്റ് വര്ക്ക് കവറേജ് ഇല്ലെങ്കിലും 112 ഇന്ത്യാ ആപ്പ് വഴി 112 ലേക്ക് ബന്ധപ്പെടാനാകും.
