വിളപ്പില്‍: മഹാസമ്പര്‍ക്കത്തിന്റെ ഭാഗമായി ഗൃഹസന്ദര്‍ശനത്തിന് ഇറങ്ങിയ ബിജെപി പ്രവര്‍ത്തകര്‍ വേറിട്ടൊരു മാതൃക കൂടി സൃഷ്ടിച്ചു. കേന്ദ്രസര്‍ക്കാരിന്റെ വാര്‍ഷിക റിപ്പോര്‍ട്ടും പ്രധാനമന്ത്രിയുടെ കത്തും നല്‍കുന്നതിനൊപ്പം വീട്ടിലുള്ള വിദ്യാര്‍ഥികള്‍ക്ക് പഠനോപകരണങ്ങളും.
വിളപ്പില്‍ പഞ്ചായത്തിലെ ഹൈസ്‌കൂള്‍ വാര്‍ഡിലാണ് ബിജെപി വിദ്യാര്‍ഥികളോട് കരുതലുമായി മഹാസമ്പര്‍ക്കത്തിന് ഇറങ്ങിയത്. വാര്‍ഡില്‍ ആകെയുള്ള 300 കുട്ടികള്‍ക്കാണ് നോട്ട്ബുക്കുകള്‍, പേന, പെന്‍സില്‍, ജാമിതീയ ഉപകരണങ്ങള്‍ എന്നിവ വിതരണം ചെയ്തത്. ബിജെപി ജില്ലാ മേഖലാ സെക്രട്ടറി മുക്കംപാലമൂട് ബിജു പരിപാടി ഉദ്ഘാടനം ചെയ്തു. മണ്ഡലം ജനറല്‍ സെക്രട്ടറി സുധീഷ് കുന്നുവിള, വൈസ് പ്രസിഡന്റ് പേയാട് കാര്‍ത്തികേയന്‍, ഒബിസി മോര്‍ച്ച മണ്ഡലം പ്രസിഡന്റ് സുധീഷ് തിരുനെല്ലിയൂര്‍, ബിജെപി പഞ്ചായത്ത് പ്രസിഡന്റ് വളളിമംഗലം ചന്ദ്രന്‍ എന്നിവര്‍ പങ്കെടുത്തു.
