ന്യൂദല്‍ഹി: ലഡാക്ക് അതിര്‍ത്തിയില്‍ ഭാരതം സേന വിന്യാസം നടത്തിയതിനു തൊട്ടു പിന്നാലെ പീപ്പിള്‍സ് ലിബറേഷന്‍ ആര്‍മിയുടെ കമാന്‍ഡറെ മാറ്റി ചൈന. ചൈനിസ് യുദ്ധ വിമാനങ്ങള്‍ അക്‌സായ് ചിന്‍ പ്രദേശത്ത് വട്ടമിട്ടു പറക്കുന്നതായി ഇന്ത്യയുടെ ശ്രദ്ധയില്‍ പെട്ടത്തോടെയാണ് സേനാ വിന്യാസം ശക്തമാക്കിയത്. ശക്തമായ തിരിച്ചടിക്കുമെന്ന് സൂചന നല്‍കുന്നതിന്റെ ഭാഗമായി ഉത്തരാഖണ്ഡ്, സിക്കിം മേഖകളിലും മറ്റ് നിയന്ത്രണ രേഖകളിലും രാജ്യം കൂടുതല്‍ സൈനികരെ വിന്യസിച്ചിട്ടുണ്ട്.
നാളെ രാജ്യങ്ങളുടേയും ലഫ്റ്റനെന്റ് ജനറല്‍മാര്‍ അതിര്‍ത്തിയിലെ സംഘര്‍ഷം സംബന്ധിച്ച ചര്‍ച്ച നടത്താനിരിക്കെയാണ് ചൈനയുടെ ഈ പുതിയ നീക്കം ലഫ്. സൂ ക്വിലിംഗിനെയാണ് പുതിയ കമാന്‍ഡറായി നിയമിച്ചത്. ഇരു രാജ്യങ്ങളും തമ്മിലുള്ള സംഘര്‍ഷത്തിന് ശേഷം ജൂണ്‍ ഒന്നിന് സൂ വിനെ സൈനിക കമാന്‍ഡറായി നിയോഗിച്ചെന്ന റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ ഇപ്പോഴാണ് ഇത് സംബന്ധിച്ചുള്ള ഔദ്യോഗിക സ്ഥിരീകരണം ഉണ്ടായത്.
നാളെ നടക്കുന്ന ചര്‍ച്ചയില്‍ ചൈനിസ് സേന പിന്മാറണം എന്നതുള്‍പ്പടെയുള്ള ഉപാധികള്‍ ഇന്ത്യ മുന്നോട്ട് വെക്കും. ഇതില്‍ സമര്‍ദ്ദമുണ്ടാക്കുന്നതിന്റെ ഭാഗമായാണ് ഭാരതം അതിര്‍ത്തിയില്‍ പ്രതിരോധം ശക്തിപ്പെടുത്തിയത്. ടി72,ടി90 ടാങ്ക്,ബോഫോഴ്‌സ് തുടങ്ങിയ പീരങ്കികള്‍ ലഡാക് അതിര്‍ത്തിയില്‍ വിന്യസിക്കാനായി കേന്ദ്രം അനുമതി നല്‍കിയിരുന്നു.
നേരത്തെ ഇന്ത്യാചൈന അതിര്‍ത്തി തര്‍ക്കങ്ങള്‍ പരിഹരിക്കാന്‍ മേജര്‍ തല ചര്‍ച്ചകളാണ് പതിവ്. എന്നാല്‍ ഇത്തവണ ലഫ്റ്റനെന്റ് ജനറല്‍ തല ചര്‍ച്ച വെച്ചതും നിര്‍ണായക നീക്കതിന്റെ ഭാഗമാണ്. നാളെ ലഫ്റ്റനന്റ് ജനറല്‍ ഹരീന്ദര്‍ സിംഗിന്റെ നേതൃത്വത്തില്‍ 14 സൈനികരാണ് ഷുഷുല്‍ മോള്‍ഡോ അതിര്‍ത്തിയിലെ ബോര്‍ഡര്‍ പോയിന്റില്‍ ചൈനയുമായുള്ള ചര്‍ച്ചയില്‍ പങ്കെടുക്കുന്നത്.
പ്രതികരിക്കാൻ ഇവിടെ എഴുതുക: