പത്തനംതിട്ട: സിപിഎമ്മുകാരനാണ് പ്രതിയെങ്കില് പാമ്പിനെക്കൊണ്ട് കൊല്ലിച്ചയാളേയും സംരക്ഷിക്കുന്നതാണ് പാര്ട്ടിയുടെ നയമെന്ന് രൂക്ഷ വിമര്ശനവുമായി ബിജെപി സംസ്ഥാന അധ്യക്ഷന് കെ. സുരേന്ദ്രന്. കേരളം ഇതുവരെ കണ്ടിട്ടുള്ളതില് നീചമായ കൊലപാതകത്തിലെ പ്രതിയെ രക്ഷിക്കാനും സിപിഎം തയ്യാറായി നില്ക്കക്കള്ളിയില്ലാതെ വന്നപ്പോഴാണ് തള്ളിപ്പറഞ്ഞതെന്നും അദ്ദേഹം കുറ്റപ്പെടുത്തി.
പത്രപ്രവര്ത്തക യൂണിയന് ജില്ലാ കമ്മറ്റിയുടെ മീറ്റ് ദ പ്രസില് പങ്കെടുക്കവേയാണ് ഇക്കാര്യം അറിയിച്ചത്. പാമ്പിനെ ഉപയോഗിച്ച് കൊലനടത്തിയ കേസില് കുറ്റാരോപിതനായ വ്യക്തി സിപിഎം – ഡിവൈഎഫ്ഐ നേതാവാണ്. പോലീസും സര്ക്കാരും മറ്റ് സംവിധാനങ്ങളും ഈ കൊലപാതകക്കേസില് പ്രതിയെ സംരക്ഷിക്കുകയാണ് ഉണ്ടായത്.
പാര്ട്ടിയും ഇയാളെ സംരക്ഷിക്കാനുള്ള ശ്രമമാണ് നടത്തിയത്. വിവാദമായതോടെയാണ് പാര്ട്ടി പ്രതിയെ ത്ള്ളിപ്പറഞ്ഞ് കേസില് നിന്നും തലയൂരാന് ശ്രമിക്കുന്നതെന്നും കെ. സുരേന്ദ്രന് കൂട്ടിച്ചേര്ത്തു.
