കാഞ്ഞങ്ങാട്: 108 ആംബുലന്സില് യുവതിക്ക് സുഖ പ്രസവം. മാലോം വള്ളിക്കടവിലെ രാഹുലിന്റെ ഭാര്യ സിജി(24)യാണ് ഇന്നലെ രാവിലെ 10.30ന് ഒരു ആണ്കുഞ്ഞിന് ജന്മം നല്കിയത്. കാഞ്ഞങ്ങാട്ടെ ആശുപത്രിയിലേക്ക് കൊണ്ടു പോകും വഴി കരിന്തളം പെരിയങ്ങാനത്ത് വെച്ച് 108 ആംബുലന്സിലാണ് പ്രസവിച്ചത്.
ഇന്നലെ രാവിലെ 10 മണിക്കാണ് വെള്ളരിക്കുണ്ടിലെ 108 ആബുലന്സ് ഡ്രൈവറായ കൊല്ലംപാറയിലെ ഷിജുവിന് മാലോം വള്ളിക്കടവിലെ യുവതി പ്രസവ വേദന ഉടനെത്തണമെന്ന് അറിയിച്ച് ഒരു ഫോണ് വിളി വന്നത്. സ്റ്റാഫ് നേഴ്സ് സില്വിയുമായി അബുലന്സുമായി കുതിച്ച് എത്തിയ ഷിജു കാഞ്ഞങ്ങട്ടെക്ക് എത്തിക്കാനുള്ള ശ്രമത്തിനിടയിലാണ് പ്രസവം നടന്നത്.
വഴിയില് കരിന്തളം പെരിയങ്ങാനത്ത് വെച്ച് യുവതി പ്രസവ വേദന കുടിയതോടെ നിലവിളി ഉയര്ത്തിയതിനെ തുടര്ന്ന് കൂടെയുള്ള വെള്ളരിക്കുണ് പിഎച്ച്സിയിലെ സ്റ്റാഫ് നേഴ്സ് സില്വി വാഹനം നിര്ത്താന് ആവശ്യപ്പെടുകയായിരുന്നു. യുവതി 108 ആംബുലന്സില് തന്നെ സുഖമായി കുഞ്ഞിന് ജന്മം നല്കി. തുടര്ന്ന് അമ്മയെയും കുഞ്ഞിനെയും ജില്ലാശുപത്രിയിലേക്ക് മാറ്റി. യുവതിയുടെ രണ്ടാമത്തെ പ്രസവമായിരുന്നു.
