കൊച്ചി: പച്ചാളത്ത് പെട്രോളൊഴിച്ച് തീ കൊളുത്തി ഓട്ടോഡ്രൈവര് ആത്മഹത്യ ചെയ്തു. വടുതല സ്വദേശി ഫിലിപ്പാണ് ആത്മഹത്യ ചെയ്തത്. തീ കൊളുത്തി ആത്മഹത്യ ചെയ്യും മുന്പ് മറ്റു രണ്ടു പേരുടെ ദേഹത്ത് ഫിലിപ്പ് പെട്രോള് ഒഴിച്ചു. ഇവര് ഗുരുതരാവസ്ഥയിലാണ്.
കൊച്ചി പച്ചാളത്തെ ഷണ്മുഖം റോഡിലാണ് സംഭവം. ഷണ്മുഖം റോഡിലെ ഒരു കടയിലെത്തിയ ഫിലിപ്പ് കടയുടമ പങ്കജാക്ഷന്റേയും കടയിലുണ്ടായിരുന്ന ജെറി എന്നയാളുടേയും ദേഹത്തേക്ക് പെട്രോളൊഴിക്കുകയായിരുന്നു. ഇതിനു ശേഷമാണ് തീ കൊളുത്തിയത്. സാരമായി പൊള്ളലേറ്റ പങ്കജാക്ഷനേയും ജെറിയേയും ആശുപത്രിയില് പ്രവേശിപ്പിച്ചു.
ഇരുവരേയും കൊലപ്പെടുത്തുക എന്ന ലക്ഷ്യത്തോടെ ഫിലിപ്പ് പെട്രോള് ഒഴിച്ചതെന്നാണ് പോലീസിന്റെ പ്രാഥമിക നിഗമനം. ഫിലിപ്പിന്റെ ഓട്ടോറിക്ഷ കത്തിനശിച്ചു.
