ബാലുശ്ശേരി: നിരോധിത പുകയില ഉല്പന്നമായ ഹാന്സ് ശേഖരവുമായി മൊത്തവിതരണക്കാരനെ പൂനൂരില് നിന്ന് ബാലുശ്ശേരി പോലീസ് പിടികൂടി. ഉണ്ണികുളം മങ്ങാട് നീരൊലിപ്പില് അബ്ദുള് ജമാലിനെ(42)യാണ് പിടികൂടിയത്. കര്ണാടകയില് നിന്നും പച്ചക്കറി കൊണ്ടുവരുന്ന വാഹനങ്ങളിലാണ് ഇയാള് ഹാന്സ് എത്തിച്ചതെന്ന് പോലീസ് പറഞ്ഞു.
ജമാല് ഹാന്സ് കടത്തിയ കെഎല് 65 ഡി 9667 നമ്പര് കാറില് നിന്നാണ് ആദ്യം ഹാന്സ് പിടിച്ചത്. തുടര്ന്ന് വീട്ടില് നടത്തിയ പരിശോധനയിലാണ് ആറ് ചാക്കുകളിലായി സൂക്ഷിച്ച ഹാന്സ് പിടിച്ചെടുത്തത്. ലക്ഷക്കണക്കിന് രൂപ വില വരും പിടിച്ചെടുത്ത ഹാന്സിന്.
താമരശ്ശേരി, ബാലുശ്ശേരി മേഖലകള് കേന്ദ്രീകരിച്ചാണ് വിപണനമെന്നും ഒരു പായ്ക്കറ്റിന് അഞ്ചു രൂപ വിലവരുന്ന ഹാന്സിന് ലോക്ഡൗണിന്റെ മറവില് 150 രൂപയാണ് ഗുണഭോക്താക്കളില് നിന്നും വാങ്ങുന്നതെന്നും അബ്ദുള് ജമാല് പോലീസിന് നല്കിയ മൊഴിയില് പറയുന്നു. എസ്ഐ കെ. പ്രജിഷിനു പുറമെ എഎസ്ഐമാരായ സുധി, അരവിന്ദന്, ഗിരീഷ് സിവില് പോലീസ് ഓഫിസര് റിനീഷ് എന്നിവരും ഉണ്ടായിരുന്നു.
