തൃശൂര് : വിലക്ക് ലംഘിച്ച് മുസ്ലിം പള്ളിക്കുള്ളില് പ്രാര്ത്ഥന നടത്തിയ അഞ്ച് പേര് അറസ്റ്റില്. എറിയാട് വടക്ക് വശം മസ്ജിദുല് ബിലാല് പള്ളിയിലാണ് വിലക്ക് ലംഘിച്ച് പ്രാര്ത്ഥന നടത്തിയത്. ഇതിനെ തുടര്ന്ന് കൊടുങ്ങല്ലൂര് പോലീസ് സ്ഥലതെത്തി ഇവരെ അറസ്റ്റ് ചെയ്തത്.
മുസ്ലിം പള്ളിയില് വിലക്ക് ലംഘിച്ച് പ്രാര്ത്ഥന നടക്കുന്നതായി രഹസ്യവിവരം ലഭിച്ചതിന്റെ അടിസ്ഥാനത്തില് പോലീസ് നടത്തിയ പരിശോധനയിലാണ് ഇവരെ അറസ്റ്റ് ചെയ്യുന്നത്.
എറിയാട് യു ബസാര് പുളിപറമ്പില് അഫ്സല്, മാന്തുരുത്തില് ഷംസുദ്ദീന്, നെട്ടൂക്കാരന് മുഹമ്മദാലി, പുളിപറമ്പില് മക്കാര്, പുളി പറമ്പില്അലി എന്നിവരെയാണ് പോലീസ് അറസ്റ്റ് ചെയ്തത്. ഇവരെ പോലീസ് കസ്റ്റഡിയില് എടുത്തശേഷം പിന്നീട് സ്റ്റേഷന് ജാമ്യത്തില് വിട്ടയച്ചു.
