ശ്രീനഗര്: ജമ്മു കശ്മീരിലെ പൂഞ്ച് ജില്ലയില് പാക്കിസ്ഥാന് സൈന്യം നടത്തിയ വെടിവയ്പിന് ചുട്ട മറുപടി നല്കി ഇന്ത്യന് സൈന്യം. വെള്ളിയാഴ്ച ഇന്ത്യന് സൈന്യം നടത്തിയ തിരിച്ചടിയില് പാകിസ്ഥാന് സേനയിലെ മൂന്ന് സൈനികര് കൊല്ലപ്പെടുകയും അഞ്ച് പേര്ക്ക് പരിക്കേല്ക്കുകയും ചെയ്തതായാണ് റിപ്പോര്ട്ടുകള്. ഇന്ത്യന് ആക്രമണത്തില് നാലോളം പാക് പോസ്റ്റുകള് തകര്ന്നതായും സൂചനയുണ്ട്.
കഴിഞ്ഞ ദിവസം പൂഞ്ചിലെ മൂന്ന് സെക്ടറുകളില് നിയന്ത്രണരേഖയോട് ചേര്ന്ന പോസ്റ്റുകള്ക്കും ഗ്രാമങ്ങള്ക്കും നേരെ പാകിസ്ഥാന് സൈന്യം നടത്തിയ ഷെല്ലാക്രമണത്തില് ഒരു സിവിലിയന് പരിക്കേല്ക്കുകയും രണ്ട് വീടുകള്ക്ക് കേടുപാടുകള് സംഭവിക്കുകയും ചെയ്തു.
പാക്കിസ്ഥാന്റെ ഷെല്ലാക്രമണത്തില് ഖസ്ബ ഗ്രാമവാസിയായ നിസാര് അലി എന്നയാള്ക്കാണ് പരിക്കേറ്റത്. ഇയാളെ ആശുപത്രിയില് പ്രവേശിപ്പിച്ചതായി അധികൃതര് പറഞ്ഞു.
