ന്യൂദല്ഹി : അവധിക്കായി നാട്ടിലെത്തുകയും കോവിഡ് മൂലം ജോലി സ്ഥലത്തേയ്ക്ക് മടങ്ങാന് സാധിക്കാത്തവര്ക്ക് അവസരം നല്കി എയര് ഇന്ത്യ. ആഭ്യന്തര മന്ത്രാലയം പുറത്തിറക്കിയ മാര്ഗരേഖയുടെ അടിസ്ഥാനത്തിലാണ് ഈ നടപടികളെന്ന് എയര് ഇന്ത്യ അറിയിച്ചു. ബുധനാഴ്ച രാത്രി മുതല് ബുക്കിങ് ആരംഭിച്ചു.
ഒസിഐ കാര്ഡുള്ള ഇന്ത്യക്കാര് അതുപോലെതന്നെ ആറുമാസത്തിലധികം വിസയുള്ള ഇന്ത്യക്കാര്, ലോക്ഡൗണ് മൂലം സ്വന്തം രാജ്യത്തേക്ക് പോകാനാകാതെ ഇന്ത്യയില് കുടുങ്ങിപ്പോയ വിദേശികള് ഇവര്ക്കാണ് ബുക്കിങ്ങിന് അവസരം ഉണ്ടായിരിക്കുക. എന്നാല് പോകുന്ന ആള്ക്കാരെ ഏത് രാജ്യത്തേയ്ക്കാണോ പോകുന്നത് ആ രാജ്യക്കാര് ഇവരെ സ്വീകരിക്കാന് തയ്യാറായിരിക്കണം എന്ന നിബന്ധനയുണ്ട്.
ആദ്യഘട്ടത്തില് ലണ്ടന്, അമേരിക്ക, സിംഗപ്പൂര് എന്നിവിടങ്ങളിലേക്കാണ് ബുക്കിങ് പരിമിതപ്പെടുത്തിയിരിക്കുന്നത്. ഇത് ഗള്ഫ് രാജ്യങ്ങളിലേക്ക് ഉള്പ്പെടെ വ്യാപിപ്പിക്കാനുള്ള സാധ്യതയുണ്ട് എന്നാണ് ലഭിക്കുന്ന സൂചന.
വിവിധരാജ്യങ്ങളില് ജോലിയുണ്ടായിരുന്നവര് അവധിക്കായി നാട്ടിലെത്തുകയും അവര്ക്ക് തിരികെ പോകാന് സാധിക്കാതെ വരികയും ചെയ്ത സാഹചര്യമുണ്ടായിരുന്നു. ഇത്തരത്തിലുള്ളവര്ക്ക് യാത്രക്കായി സാഹചര്യം ഒരുക്കണമെന്ന് വിവിധ മലയാളി സംഘടനകള് അടക്കം കേന്ദ്ര വിദേശകാര്യ മന്ത്രാലയത്തിന് നിവേദനം നല്കിയിരുന്നു. ഇതിനെ തുടര്ന്നാണ് നടപടി. അതേസമയം ഗള്ഫ് ഉള്പ്പടെയുള്ള രാജ്യങ്ങളിലെ മടക്കം സംബന്ധിച്ച് തീരുമാനം ഇന്നുണ്ടായേക്കാം.
