ഷാര്ജ: അല്നഹദ ഇത്തിസലാത്ത് ബില്ഡിങിന് സമീപമുള്ള അബ്കോ ടവര് കെട്ടിടത്തില് വന് തീപിടിത്തം. സിവില് ഡിഫന്സ് വിഭാഗത്തിന് വിവരം ലഭിച്ച് മണിക്കൂറുകള്ക്കകം തന്നെ തീയണക്കാന് കഴിഞ്ഞതാണ് അപകടങ്ങള് കുറയാന് കാരണമായത്. അഗ്നിശമന സേനയെ സഹായിക്കാന് പോലീസിന്റെ എട്ട് വാഹനങ്ങളും സ്ഥലത്തെത്തിയിരുന്നു.
ചൊവ്വാഴ്ച രാത്രി ഒമ്പത് മണിയോടെ ഉണ്ടായ തീപിടുത്തത്തില് ആളപായമില്ല. ഏഴ് പേര്ക്ക് സംഭവസ്ഥലത്ത് വെച്ച് തന്നെ രക്ഷാപ്രവര്ത്തകര് പ്രാഥമിക ശുശ്രൂഷ നല്കി. അഞ്ച് പേര് ആശുപത്രിയില് ചികിത്സയലാണ്. 49 നില കെട്ടിടത്തിൻറെ പത്താം നിലയിലാണ് തീപിടിത്തമുണ്ടായത്. താഴ്ഭാഗം മുതല് മുകള് നില വരെ തീ പടരുകയായിരുന്നു.
കെട്ടിടത്തില് നിന്ന് 250 കുടുംബങ്ങളെ മാറ്റിപ്പാര്പ്പിച്ചു. 49 നിലയുള്ള കെട്ടിടത്തില് 36 നിലകള് താമസത്തിനും 20 നിലകള് വാഹനങ്ങള് പാര്ക്ക് ചെയ്യുന്നതിനുമായാണ് ഉപയോഗിച്ചുവരുന്നത്. മണിക്കൂറുകള്ക്കകം തന്നെ പ്രദേശത്തെ ഗതാഗതം സാധാരണനിലയിലാക്കാന് സാധിച്ചിട്ടുണ്ട്.
ഡ്രോണുപയോഗിച്ച് കെട്ടിടത്തിനുള്ളില് ആരും കുടുങ്ങിക്കിടക്കുന്നില്ലെന്ന് ഉറപ്പ് വരുത്തിയിട്ടുണ്ടെന്നും അധികൃതര് അറിയിച്ചു.
