കോഴിക്കോട്: 16 വയസ്സുകാരനെ വീട്ടില്‍ വിളിച്ചുവരുത്തി പ്രകൃതി വിരുദ്ധ പീഡനത്തിനിരയാക്കിയ മുസ്ലീംലീഗ് നേതാവിനെതിരെ പരാതി. താമരശ്ശേരി കട്ടിപ്പാറ മുസ്ലീം ലീഗ് നേതാവ് ഒ.കെ.എം കുഞ്ഞിക്കെതിരെയാണ് താമരശ്ശേരി പോലീസ് സ്‌റ്റേഷനില്‍ പരാതി ലഭിച്ചിരിക്കുന്നത്. മാര്‍ച്ച് 19 നാണ് പരാതിക്കാസ്പദമായ സംഭവം.
വീട്ടുജോലിക്കെന്ന് പറഞ്ഞ് 16 വയസ്സുകാരനെ വിളിച്ചു വരുത്തി കുഞ്ഞി പീഡിപ്പിക്കുകയായിരുന്നു. കട്ടിപ്പാറയിലെ മുതിര്‍ന്ന യുഡിഎഫ് നേതാവാണ് ഇയാള്‍. പൗരത്വ നിയമത്തിനെതിരെ കോഴിക്കോട് സംഘടിപ്പിച്ച ഷഹീന്‍ബാഗ് സമരത്തിന്റെ മുഖ്യ സംഘാടകരില്‍ ഒരാളുമാണ് ഒ.കെ.എം കുഞ്ഞി.
ശിശുക്ഷേമ സമിതി നടത്തിയ അന്വേഷണ റിപ്പോര്‍ട്ടില്‍ ഇയാള്‍ക്കെതിരെ കേസെടുക്കാനായി പോലീസിനോട് നിര്‍ദേശിക്കുകയായിരുന്നു. പ്രതി ഇപ്പോള്‍ ഒളിവില്‍ പോയിരിക്കുകയാണ്. ഇയാളെ കണ്ടുപിടിക്കാന്‍ പോലീസ് ശ്രമിക്കുന്നില്ലെന്നും ആക്ഷേപം ഉയര്‍ന്നിട്ടുണ്ട്.
