ന്യൂദല്ഹി: ഇതിഹാസമായ സച്ചിന് ടെന്ഡുല്ക്കറാണ് തന്റെ ആരാധനമൂര്ത്തിയെന്ന് ഇന്ത്യന് ബാറ്റ്സ്മാന് കേദാര് ജാദവ്. വിക്കറ്റ് കീപ്പര് ബാറ്റസ്മാനായ എം.എസ്. ധോണിയാണ് ഇഷ്ടതാരമെന്നും കേദാര് ജാദവ് പറഞ്ഞു.
കുട്ടിക്കാലം മുതല് സച്ചിനായിരുന്നു തന്റെ ആരാധനാമൂര്ത്തി. സച്ചിനെപോലെ കളിക്കാന് കഴിയാത്തതില് ദുഃഖമുണ്ട്. ഏറ്റവും ഇഷ്ടപ്പെട്ട താരം ധോണിയാണെന്നും കേദാര് ജാദവ് ഇന്സ്റ്റഗ്രാം പരിപാടിയില് പറഞ്ഞു. 2014 നവംബര് പതിനാറിനാണ് കേദാര് രാജ്യാന്തര ക്രിക്കറ്റില് അരങ്ങേറിയത്.
മുന് ക്യാപ്റ്റനായ ധോണിയോട് ഏറെ കടപ്പെട്ടിട്ടുണ്ട്. ഞാന് ധോണിയെ പരിചയപ്പെടുമ്പോള് അദ്ദേഹം ഇന്ത്യന് ടീമിന്റെ ക്യാപ്റ്റനാണ്. ധോണിയുടെ പിന്തുണകൊണ്ട് ഏറെ മത്സരങ്ങളില് കളിക്കാനായി. അദ്ദേഹത്തെ കാണുമ്പോഴൊക്കെ ആത്മവിശ്വാസം ഉയരുമെന്നും കേദാര് പറഞ്ഞു. കേദാര് ഇന്ത്യക്കായി 1389 ഏകദിനങ്ങള് കളിച്ചിട്ടുണ്ട്. രണ്ട് സെഞ്ചുറികളും ആറു അര്ധ സെഞ്ചുറികളും അടക്കം 1389 റണ്സും നേടി.
ഏകദിന സ്പെഷ്യലിസ്റ്റായ കേദാറിനെ ദക്ഷിണാഫ്രിക്കക്കെതിരായ മൂന്ന്് മത്സരങ്ങളുടെ പരമ്പരയില് നിന്ന്് ഒഴിവാക്കിയിരുന്നു. പക്ഷെ കൊറോണ വ്യാപനത്തിന്റെ പശ്ചാത്തലത്തില് ദക്ഷിണാഫ്രിക്കക്കെതിരായ പരമ്പര റദ്ദാക്കി.
ജന്മഭൂമി ഓണ്ലൈന്