തിരുവനന്തപുരം: പുലര്ച്ചെ ഉറങ്ങിക്കിടന്ന യുവതിക്കു നേരെ ആസിഡ് ആക്രമണം. തിരുവനന്തപുരത്ത് മംഗലപുരം കാരമുട്ടില് യുവതിക്ക് നേരെയാണ് ആസിഡ് ആക്രമണമുണ്ടായത്.
പുലര്ച്ചെ മൂന്ന് മണിക്ക് വീട്ടില് കിടന്നുറങ്ങിയിരുന്ന യുവതിയുടെ മുഖത്തേക്ക് ആസിഡ് ഒഴിക്കുകയായിരുന്നു. ജനല് ഗ്ലാസ് പൊട്ടിച്ചാണ് അക്രമി യുവതിയുടെ മുഖത്ത് ആസിഡൊഴിച്ചത്.
ഇതുമായി ബന്ധപ്പെട്ട് യുവതിയുടെ മുന് ഭര്ത്താവ് വിനീഷിനെ പോലീസ് അറസ്റ്റ് ചെയ്തു. യുവതിയുടെ പരാതിയില് വിനീഷിനെ നേരത്തെയും അറസ്റ്റ് ചെയ്തിരുന്നു. ആസിഡ് ആക്രമണത്തില് ഗുരുതരമായി പരിക്കേറ്റ യുവതിയെ മെഡിക്കല് കോളേജ് ആശുപത്രിയിലേക്ക് മാറ്റി.
