ന്യൂദല്ഹി: ആവശ്യത്തിന് മരുന്നുകളും ഭക്ഷ്യ വസ്തുക്കളും നിത്യോപയോഗ സാധനങ്ങളും രാജ്യത്തുണ്ടെന്ന് ജനങ്ങള്ക്ക് ഉറപ്പു നല്കി കേന്ദ്ര ആഭ്യന്തര മന്ത്രി അമിത്ഷാ. ഭക്ഷ്യ വസ്തുക്കളും നിത്യോപയോഗ വസ്തുക്കളും മരുന്നും ആവശ്യത്തിന് കരുതലുണ്ട് എന്ന കാര്യം രാഷ്ട്രത്തിന്റെ ആഭ്യന്തരമന്ത്രി എന്ന നിലയ്ക്ക് ഞാന് ഉറപ്പു നല്കുന്നുവെന്ന് അദേഹം ട്വിറ്ററില് കുറിച്ചു.
രാജ്യത്തെ പൗരന്മാര് ആശങ്കപ്പെടേണ്ട സാഹചര്യം നിലനില്ക്കുന്നില്ലെന്ന് വ്യക്തമാക്കിയ അമിത് ഷാ, സമൂഹത്തിലെ സമ്പന്നരോട് പാവപ്പെട്ട ജനങ്ങളെ സഹായിക്കാന് മുന്നോട്ട് വരണമെന്നും ആവശ്യപ്പെട്ടു.
ഈ പോരാട്ടത്തില് പ്രധാനപങ്ക് വഹിക്കുന്ന ഡോക്ടര്മാര്, ആരോഗ്യ പ്രവര്ത്തകര്, ശുചീകരണ പ്രവര്ത്തകര്, പോലീസ്, സുരക്ഷാ ഉദ്യോഗസ്ഥര് എന്നിവരുടെ സംഭാവന വളരെ പ്രശംസനീയമാണ്. ഇത്തരമൊരു സാഹചര്യത്തില് നിങ്ങള് പകരുന്ന ധൈര്യവും വിവേകവും ഓരോ ഭാരതീയനേയും പ്രചോദിപ്പിക്കുന്നു. എല്ലാവരും മാര്ഗനിര്ദ്ദേശങ്ങള് പാലിക്കണമെന്നും അദേഹം ട്വിറ്ററില് കുറിച്ചു.
