ന്യൂദല്ഹി: കൊറോണ(കൊവിഡ് 19) വൈറസെന്ന മഹാമാരിക്കെതിരായ ചികിത്സയ്ക്ക് ഉപയോഗിക്കാന്, ഹൈഡ്രോക്സിക്ലോറോക്വീന് എന്ന മരുന്ന് ആവശ്യപ്പെട്ട് ഇന്ത്യയ്ക്ക് ബ്രസീല് പ്രസിഡന്റ് ജെയിര് ബോല്സൊനാരോയുടെ കത്ത്. മരുന്ന് ആവശ്യപ്പെട്ടുള്ള കത്തില് രാമായണത്തിലെ ചില രംഗങ്ങളും ബ്രസീല് പ്രസിഡന്റ് പരാമര്ശിക്കുന്നുണ്ട്.
‘ശ്രീരാമന്റെ അനുജന് ലക്ഷ്മണന്റെ ജീവന് രക്ഷിക്കാനായി ഹനുമാന് ഹിമാലയത്തില് നിന്ന് സഞ്ജീവനി മരുന്ന് കൊണ്ട് വന്നത് പോലെ, രോഗികള്ക്ക് യേശു ക്രിസ്തു കാഴ്ച ശക്തി പുനഃസ്ഥാപിച്ചത് പോലെ, ഇന്ത്യയും ബ്രസീലും ഒരുമിച്ച് ഈ ആഗോള പ്രതിസന്ധി മറികടക്കും. ദയവായി എന്റെ ആവശ്യം പരിഗണിക്കുക”- പ്രധാനമന്ത്രി നരേന്ദ്ര മോദിക്ക് അയച്ച കത്തില് ബ്രസീലിയന് പ്രസിഡന്റ് ജെയിര് ബോല്സൊനാരോ കുറിച്ചു.
നേരത്തെ മരുന്നുമായി ബന്ധപ്പെട്ട പ്രശ്നത്തില് അമേരിക്കന് പ്രസിഡന്റ് ഡൊണാള്ഡ് ട്രംപ് ഇന്ത്യയെ ഭീഷണപ്പെടുത്തിയെന്ന തരത്തില് ചില മാധ്യമങ്ങള് വാര്ത്തകള് വളച്ചൊടിച്ചിരുന്നു.
