ന്യൂദല്ഹി : ഇന്ത്യയിലെ ജനങ്ങള് തീരുമാനമെടുത്തിട്ടുണ്ട്്. ഈ മഹാമാരിയെ നേരിടുമെന്ന്്. നമ്മള് ഇതിനെ അതിജീവിക്കുക തന്നെ ചെയ്യുമെന്ന് പ്രധാനമന്ത്രി നരേന്ദ്രമോദി. ജനത കര്ഫ്യൂ ആചരിക്കുന്ന ജനങ്ങളെ അഭിനന്ദിച്ചുകൊണ്ടുള്ള ട്വീറ്റിലാണ് മോദി ഇക്കാര്യം അറിയിച്ചത്.
നിങ്ങളെല്ലാവരും ഈ കൊറോണ വിരുദ്ധ പോരാട്ടത്തിലെ സൈനികരാണ്. നിങ്ങളുടെ ശ്രദ്ധയും ആത്മാര്ത്ഥതയും ഈ രാജ്യത്തെ ലക്ഷക്കണക്കിന് മനുഷ്യരെ രക്ഷിക്കും. കൊറോണ വൈറസ് എന്ന മഹാമാരിയെ ഒരുമിച്ചു നേരിടുമെന്ന് ഇന്ത്യയിലെ ജനങ്ങള് ഒന്നടങ്കം തീരുമാനമെടുത്ത് കഴിഞ്ഞു. ഇതിനെ നമ്മള് അതിജീവിക്കുക തന്നെ ചെയ്യുമെന്നും പ്രധാനമന്ത്രി അറിയിച്ചു. അതേസമയം ഡിജിറ്റല് പണമിടപാടുകള് പ്രോത്സാഹിപ്പിക്കണമെന്നും പ്രധാനമന്ത്രി നിര്ദ്ദേശിച്ചു.
പ്രധാനമന്ത്രി ആഹ്വാനം ചെയ്്ത ജനത കര്ഫ്യൂവിനോട് സംസ്ഥാനങ്ങള് പരിപൂര്ണ്ണ പിന്തുണയാണ് നല്കുന്നത്. ജനങ്ങള് പൂര്ണമായും പൊതുവിടങ്ങളില് നിന്നൊഴിഞ്ഞു നില്ക്കുകയാണ്. ഇന്ന് വൈകിട്ട് അഞ്ച് മണിക്ക് ആരോഗ്യപ്രവര്ത്തകരെ അഭിനന്ദിച്ചു കൊണ്ട് എല്ലാവരും അവരുടെ വീടുകള്ക്ക് മുന്നിലും ബാല്ക്കണിയിലും നിന്ന് കയ്യടിക്കണമെന്നും പ്രധാനമന്ത്രി അഭ്യര്ത്ഥിച്ചിട്ടുണ്ട്. ആരോഗ്യ പ്രവര്ത്തകരെ അഭിനന്ദിക്കുന്നതിനാണ് ഇത്.
