മുംബൈ: അമീര് ഖാന്റെ സൂപ്പര്ഹിറ്റ് ചലച്ചിത്രം ഗജിനിയുടെ രണ്ടാംഭാഗം വരുന്നെന്ന് റിപ്പോര്ട്ടുകള്.ആമിര് ഖാന്റെ അമ്പത്തിയഞ്ചാം പിറന്നാള് ദിനമായ മാര്ച്ച് 14ന് ‘ഗജിനി 2’ ഔദ്യോഗികമായി പ്രഖ്യാപിച്ചേക്കുമെന്ന് സോഷ്യല്മീഡിയയില് അടക്കം പ്രചാരണം ശക്തമാണ്. ഇതോടെ ആവേശത്തിലായിരിക്കുകയാണ് അമീര് ആരാധകര്. റിലയന്സ് എന്റര്ടൈന്മെന്റിന്റെ ഒഫീഷ്യല് ട്വിറ്റര് പേജില് പങ്കുവെച്ച പോസ്റ്റിനെ എടുത്തുകാട്ടിയാണ് ഇത്തരം റിപ്പോര്ട്ടുകളുടെ തുടക്കം. പോസ്റ്റില് പറയുന്നത് ഇങ്ങനെ, ‘ഈ കുറിപ്പ് ഗജിനിയെ കുറിച്ചായിരിക്കണം, പക്ഷേ ഞങ്ങള് എന്താണ് ചെയ്യേണ്ടതെന്ന് ഞങ്ങള് മറന്നു.’
ഗജിനിയുടെ രണ്ടാം വരവിന്റെ സൂചന തന്നെയാവും നിര്മ്മാതാക്കള് നല്കുന്നതെന്നതാണ് ആരാധകരുടെ കണ്ടെത്തല്. ഗജിനിയുടെ തിരിച്ചുവരവ് സമൂഹമാധ്യമങ്ങളില് ചര്ച്ചയാകുമ്പോഴും, ഇതുവരെ നിര്മ്മാതാക്കളോ അണിയറപ്രവര്ത്തകരോ ഗജിനി 2 ഔദ്യോഗികമായി സ്ഥിരീകരിച്ചിട്ടില്ല. ഗജിനിയുടെ ആദ്യ പതിപ്പില് അസിനും അന്തരിച്ച നടി ജിയ ഖാനുമായിരുന്നു നായികമാര്. റിട്രോഗ്രേഡ് അമ്നീഷ്യ ബാധിച്ച ബിസിനസുകാരന് സഞ്ജയ് സിംഗാനിയയുടെ വേഷത്തിലായിരുന്നു ആമിര് ഖാന് എത്തിയത്. ബോക്സോഫീസില് മികച്ച പ്രതികരണം നേടിയ ഗജിനി 100 കോടി ക്ലബ്ബിലെത്തിയ ആദ്യ ബോളിവുഡ് ചിത്രമായിരുന്നു. 2005ല് സൂര്യയെ നായകനാക്കി എ ആര് മുരുഗദോസ് സംവിധാനം ചെയ്ത തമിഴ് ചിത്രം ഗജിനിയുടെ റീമേക്ക് ആയിരുന്നു 2008ല് അതേ പേരില് മുരുഗദോസ് തന്നെ ഒരുക്കിയ ആമീര് ഖാന് ചിത്രംൗ സിനിമ.
