ബെംഗളൂരു: കര്ണ്ണാടകത്തിലെ സ്കൂള് ചുമരില് പാക്കിസ്ഥാന് സിന്ദാബാദ് എന്ന് മുദ്രാവാക്യം. ഹുബ്ലി ജില്ലയിലെ ബുദര്ഷിങ്കി സ്കൂള് ചുമരില് ചോക്ക് കൊണ്ടാണ് പാക്കിസ്ഥാന് സിന്ദാബാദ് എന്ന മുദ്രാവാക്യം എഴുതിയത്. അതിന് അടുത്തായി ടിപ്പു സുല്ത്താന് സ്കൂള് എന്നും എഴുതിയിരുന്നു.
തിങ്കഴാഴ്ച രാവിലെ സ്കൂളിലെത്തിയ വിദ്യാര്ത്ഥികളും അധ്യാപകരുടേയും ശ്രദ്ധയില് മുദ്രാവാദ്യങ്ങള് പതിഞ്ഞതോടെയാണ് ഇവര് േേപലീസില് ഇക്കാര്യങ്ങള് അറിയിക്കുകയായിരുന്നു. കഴിഞ്ഞ ശനിയാഴ്ച സ്കൂള് ഉച്ചവരെ പ്രവര്ത്തിച്ചതാണ്. അതിനാല് ഞായറാഴ്ച രാത്രിയാകാം ഇത്തരത്തില് മുദ്രാവാക്യങ്ങള് എഴുതി നല്കിയതെന്നാണ് പോലീസ് വിലയിരുത്തുന്നത്.
ഇതുമായി ബന്ധപ്പെട്ട് പോലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്. അതിനിടെ സംഭവത്തിന് പിന്നിലുള്ളവരെ അറസ്റ്റ് ചെയ്യണമെന്നാവശ്യപ്പെട്ട് നാട്ടുകാര്ക്കിടയില് നിന്നും പ്രതിഷേധം ഉയര്ന്നിട്ടുണ്ട്. പോലീസെത്തി നടപടികള് സ്വീകരിക്കുമെന്ന് ഉറപ്പ് നല്കിയതിനെ തുടര്ന്നാണ് നാട്ടുകാര് ശാന്തരായി സ്കൂള് പരിസരത്തു നിന്നും പിരിഞ്ഞുപോയത്.
