തിരുവനന്തപുരം: രണ്ടു ദിവസത്തെ സന്ദര്‍ശനത്തിന് വയനാട് എംപി രാഹുല്‍ ഗാന്ധി നാളെ കേരളത്തില്‍ എത്തും. കല്‍പറ്റയില്‍ രാഹുലിന്റെ നേതൃത്വത്തില്‍ റാലി നടത്തും. നാളെ രാവിലെ 10 ന് കല്‍പറ്റ എസ്‌കെഎംജെ ഹയര്‍സെക്കന്‍ഡറി സ്‌കൂളിന്റെ പരിസരത്ത് നിന്നാണ് റാലി ആരംഭിക്കുന്നത്.
റാലിക്ക് ശേഷം കല്‍പറ്റ പുതിയ ബസ് സ്റ്റാന്‍ഡ് പരിസരത്തു നടക്കുന്ന പൊതുസമ്മേളനത്തില്‍ അദേഹം സംസാരിക്കും. പൗരത്വ നിയമ ഭേദഗതിക്കെതിരെയുള്ള സമരത്തില്‍ പങ്കെടുക്കാനാണ് രാഹുല്‍ കേരളത്തില്‍ എത്തുന്നത്. വോട്ടര്‍മാരെ ഈ സന്ദര്‍ശനത്തിലും അദേഹം കാണില്ല. പകരം ഒരു പൊതു സമ്മേളനത്തില്‍ പങ്കെടുക്ക മാത്രമാണ് ചെയ്യുന്നത്. നാളെ രാവിലെയാണ് രാഹുല്‍ കേരളത്തില്‍ എത്തുന്നത്.
