മലപ്പുറം: ഭരണഘടന ഉയര്ത്തിപ്പിടിച്ച് ഇന്ന് തെരുവില് സമരം ചെയ്യുന്നവര് ഭരണഘടനയുടെ അന്തസ്സത്ത ഉള്ക്കൊള്ളത്താവരാണെന്ന് എഴുത്തുകാരന് സി.രാധാകൃഷ്ണന്. വൈദ്യരത്നം പി.എസ്.വാര്യരുടെ 150-ാം ജന്മവാര്ഷികത്തിന്റെയും ബിഎംഎസ് സ്ഥാപകന് ദത്തോപന്ത് ഠേംഗ്ഡ്ജിയുടെ നൂറാം ജന്മവാര്ഷികത്തിന്റെയും ഭാഗമായി കോട്ടയ്ക്കല് ആര്യവൈദ്യശാല മസ്ദൂര് സംഘം സംഘടിപ്പിച്ച ആയുര്ഭാരതം പരിപാടിയില് സംസാരിക്കുകയായിരുന്നു അദ്ദേഹം. മുമ്പ് രാജ്യം ഭരിച്ചവരാരും ഭരണഘടനയിലെ സമത്വത്തിന് ഒരു വിലയും നല്കിയില്ല. സമത്വം അട്ടിമറിച്ചുകൊണ്ട് പ്രത്യേക വിഭാഗങ്ങള്ക്ക് ആനുകൂല്യങ്ങളും പ്രയോജനവും നല്കിയതിന്റെ ഫലമാണ് രാജ്യം ഇന്ന് അനുഭവിക്കുന്നത്. സമത്വം എല്ലാ പൗരന്മാര്ക്കും ഒരുപോലെ ലഭിക്കേണ്ടതാണ്. അത് വീതംവയ്ക്കാനുള്ളതല്ലെന്നും അദ്ദേഹം കൂട്ടിച്ചേര്ത്തു.
ആര്യവൈദ്യശാല ട്രസ്റ്റിയും ചീഫ് ഫിസിഷ്യനുമായ ഡോ. പി. മാധവന്കുട്ടി വാര്യര് യോഗം ഉദ്ഘാടനം ചെയ്തു. സി.രവീന്ദ്രന് അധ്യക്ഷനായി. ഐഎംഎ പുരസ്കാരം നേടിയ ഡോ.ബാലചന്ദ്രന് ശ്രേഷ്ഠ സേവാ പുരസ്കാരം സമ്മാനിച്ചു. വിവിധ മത്സരങ്ങളില് വിജയികളായവരെ ചടങ്ങില് അനുമോദിച്ചു.
