കൊച്ചി: ജന്മഭൂമി സ്‌പെഷ്യല്‍ കറസ്‌പോണ്ടന്റ് പി. ശ്രീകുമാറിന് കേരള മീഡിയ അക്കാദമിയുടെ 2019-20 വര്‍ഷത്തെ മാധ്യമ ഗവേഷക ഫെലോഷിപ്പ്. പൊതു ഗവേഷണ മേഖലയില്‍പ്പെടുത്തി പതിനായിരം രൂപയാണ് ലഭിക്കുക. സൂക്ഷ്മ വിഷയങ്ങളില്‍ ഒരു ലക്ഷം രൂപ വീതമുള്ള ഫെലോഷിപ്പിന് വി.പി. സുബൈര്‍ (മലയാള മനോരമ), സുധീര്‍നാഥ് എന്‍.ബി. (സ്വതന്ത്ര്യ പത്രപ്രവര്‍ത്തകന്‍) എന്നിവര്‍ അര്‍ഹരായി.
സമഗ്രവിഷയത്തില്‍ വിനോദ് പായം (ദേശാഭിമാനി), അനൂപ്ദാസ് കെ. (മാതൃഭൂമി), ദാവൂദ് പി. (ചന്ദ്രിക), ഫഹീം ചമ്രവട്ടം (മാധ്യമം), ജിഷ എലിസബത്ത് (മാധ്യമം), രമേശ്ബാബു ആര്‍. (ജനയുഗം) എന്നിവര്‍ക്ക് 75,000 രൂപ വീതവും ഫെലോഷിപ്പ് നല്‍കുമെന്ന് അക്കാദമി ചെയര്‍മാന്‍ ആര്‍.എസ്. ബാബു വാര്‍ത്താസമ്മേളനത്തില്‍ അറിയിച്ചു.
കൂടാതെ പൊതു ഗവേഷണ മേഖലയില്‍ ആര്‍.കെ. ബിജുരാജ് (മാധ്യമം ആഴ്ചപതിപ്പ്), രമ്യ കെ.എച്ച്. (മാതൃഭൂമി), ബി. ജ്യോതികുമാര്‍ (മലയാള മനോരമ), ഡോ. ബിജി കെ.ബി. (ശ്രീകൃഷ്ണ കോളേജ്, ഗുരുവായൂര്‍), റിച്ചാര്‍ഡ് ജോസഫ് (ദീപിക), ഡോ. ജെസി നാരായണന്‍ (ഫ്രീലാന്‍സ് ജേര്‍ണലിസ്റ്റ്), കെ.ജെ. അരുണ്‍ (മലയാള മനോരമ), രഞ്ജിത് ജോണ്‍ (ദീപിക), ശ്രുതിദേവി സി.ടി (ഭാരതീയാര്‍ സര്‍വ്വകലാശാല), ബിജിത്ത് എം. ഭാസ്‌കര്‍ (കെഎംഎം കോളേജ്), ജി. രാജേഷ്‌കുമാര്‍ (ദേശാഭിമാനി), വി. ജയകുമാര്‍ (കേരളകൗമുദി), ശ്യാം കുമാര്‍ എ.എ. (ഏഷ്യാനെറ്റ് ന്യൂസ്) എന്നിവര്‍ക്ക് 10,000 രൂപ വീതം ഫെലോഷിപ്പ് നല്‍കും.
തോമസ് ജേക്കബ്, ഡോ. സെബാസ്റ്റ്യന്‍ പോള്‍, എം.പി. അച്യുതന്‍, ഡോ. ജെ. പ്രഭാഷ്, കെ. കുഞ്ഞിക്കൃഷ്ണന്‍, ഡോ. നീതു സോന എന്നിവരടങ്ങുന്ന വിദഗ്ധ സമിതിയാണ് ഫെലോഷിപ്പിന് അര്‍ഹരായവരെ തെരഞ്ഞെടുത്തത്. കേരള മിഡിയ അക്കാദമി സെക്രട്ടറി ചന്ദ്രഹാസന്‍ വടുതല, സുരേഷ് കുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
