കോട്ടയം: സൗദിയിലെ സ്വകാര്യ ആശുപത്രിയില് നഴ്സായി ജോലി ചെയ്യുന്ന ഏറ്റുമാനൂര് സ്വദേശിക്ക് കൊറോണ വൈറസ് സ്ഥിരീകരിച്ചതായി സൂചന. സൗദിയിലെ അല് ഹെയ്ത് നാഷണല് ആശുപത്രിയിലാണ് ഇവര് ജോലി ചെയ്യുന്നത്.
ഇതേ ആശുപത്രിയിലെ ഫിലിപ്പിന് സ്വദേശനിയായ നഴ്സിനാണ് ആദ്യം രോഗമുണ്ടായത്. ഇവരെ പരിചരിക്കുന്നതിനിടെയാണ് ഏറ്റുമാനൂര് സ്വദേശിക്കും പിടിപെട്ടത്. തുടര്ന്ന് ആശുപത്രിയിലെ മറ്റ് മലയാളി നഴ്സുമാര് ആശങ്കയിലായി. ഇവര് ഇന്ത്യന് എംബസിയുമായി ബന്ധപ്പെട്ടിട്ടുണ്ട്.
അതേസമയം, മുന്നറിയിപ്പിന്റെ അടിസ്ഥാനത്തില് സംസ്ഥാന ആരോഗ്യ വകുപ്പ് ജാഗ്രത പാലിക്കുന്നുണ്ടെന്ന് അധികൃതര് അറിയിച്ചു.
അല് ഹയാത്ത് ആശുപത്രിയില് ജോലി നോക്കുന്ന ഇന്ത്യയില് നിന്നുള്ള നൂറു നഴ്സുമാരില് ഒരാള്ക്കു മാത്രമാണ് കൊറോണ വൈറസ് ബാധയുള്ളതെന്നു വിവരം ലഭിച്ചതായി കേന്ദ്ര വിദേശകാര്യ സഹമന്ത്രി വി. മുരളീധരന് അറയിച്ചു. വൈറസ് ബാധ കണ്ടെത്തിയ നഴ്സിന് അസീര് നാഷണല് ആശുപത്രിയില് ചികിത്സ നല്കുന്നുണ്ടെന്നും മുരളീധരന് ട്വീറ്റ് ചെയ്തു.
