ഷാര്ജ : മലയാള സിനിമയില് ജാതി വിവേചനങ്ങള് ഇല്ലെന്ന് നടന് ടൊവിനോ തോമസ്. അഹംഭാവവും, വ്യക്തിപരമായ തോന്നലുകളില് നിന്നും മനോഭാവങ്ങളില് നിന്നുമുള്ള തെറ്റിദ്ധാരണകളാണ് ഉണ്ടായിട്ടുള്ളത്. ഇത് മാറ്റി നിര്ത്തിയാല് ജാതി വിവേചനമെന്ന തോന്നല് മാറും. ഷാര്ജ പുസ്തക മേളയിലെ ദ യൂത്ത് സ്റ്റാര് എന്ന പരിപാടിയില് പങ്കെടുക്കവേയാണ് ടൊവിനോ ഇക്കാര്യം അറിയിച്ചത്.
പഴയ കാലമല്ല മലയാള സിനിമാ മേഖല ഇന്ന് വളരെ വേഗത്തില് മുന്നേറുകയാണ്. പുതുമുഖങ്ങള്ക്ക് നിരവധി അവസരങ്ങളാണ് ഇവിടെയുള്ളത്. കലാമൂല്യവും വിനോദമൂല്യവും സിനിമയുടെ വിജയത്തിന് വേണ്ട അത്യാശ്യ ഘടകങ്ങളാണ്. ഇതില് ഏതെങ്കിലും ഒന്ന് ഇല്ലെങ്കില് വിജയം നോടാന് സാധിക്കില്ല.
പാലക്കാട് മെഡിക്കല് കോളേജിലെ എസ്എഫ്ഐ യൂണിയന്റെ പരിപാടിക്ക് അതിഥിയായെത്തിയ നടന് ബിനീഷ് ബാസ്റ്റിനൊപ്പം വേദി പങ്കിടാന് കഴിയില്ലെന്ന് സംവിധായകന് അനില് രാധാകൃഷ്ണന് മേനോന് പറഞ്ഞതിന്റെ പശ്ചാത്തലത്തിലാണ് ടൊവിനോ ഇത്തരത്തില് പരാമര്ശം നടത്തിയത്.
അതിനിടെ വിഷയത്തില് അനില് ബിനീഷിനോട് മാപ്പ് ചോദിച്ചുവെന്നും ഇരുവരും തമ്മില് നേരത്തെ ഉണ്ടായിരുന്ന സൗഹൃദം ഇനിയും നിലനില്ക്കുമെന്നും ഫെഫ്ക ജനറല് സെക്രട്ടറി ബി. ഉണ്ണികൃഷ്ണന് അറിയിച്ചു. ഇരുവരും സമവായ ചര്ച്ച നടത്തി പ്രശ്നം ഒത്തുതീര്പ്പാക്കി. ജാതി അധിക്ഷേപം ഉണ്ടായിട്ടില്ലെന്നും അനില് രാധാകൃഷ്ണന് മേനോന് ജാഗ്രതക്കുറവുണ്ടായെന്നും ഉണ്ണികൃഷ്ണന് പറഞ്ഞു.
