തിരുവനന്തപുരം: മാരകരോഗമെന്നു നുണപറഞ്ഞു സോഷ്യല് മീഡിയ വഴി പണംതട്ടിപ്പ് നടത്തിയ ഒരുസംഭവം കൂടി. ആലപ്പുഴ മാരാരിക്കുളം സ്വദേശിയായ വനിതസഖാവാണ് തട്ടിപ്പിന് നേതൃത്വം നല്കിയത്. തനിക്ക് ക്യാന്സറാണെന്നും കുടുംബത്തിന്റെ ദയനീയ അവസ്ഥയും അടക്കം വിവരിച്ച് ഫേസ്ബുക്കില് ഇവര് പോസ്റ്റിടുകയായിരുന്നു. ഒപ്പം, തലമുണ്ഡനം ചെയ്ത ചിത്രവും ഉണ്ടായിരുന്നു. ഇവരുടെ പോസ്റ്റ് സിപിഎം അനുഭാവമുള്ളവര് വനിത സഖാവിന്റെ അക്കൗണ്ട് നമ്പര് അടക്കം ചില ഗ്രൂപ്പുകളില് പോസ്റ്റ് ചെയ്തു. സിപിഎം സൈബര് പോരാളി ചമയുന്ന ക്യാനഡയില് താമസിക്കുന്ന സുനിത ദേവദാസാണ് ഇതിനു നേതൃത്വം നല്കിയത്. പൈസ ആവശ്യപ്പെട്ടുള്ള സുനിതയുടെ പോസ്റ്റ് നിരവധി പേര് ഷെയര് ചെയ്തതോടെ ആലപ്പുഴക്കാരി വനിത സഖാവിന്റെ അക്കൗണ്ടിലേക്ക് വന്തോതില് പണം എത്തി. എന്നാല്, കഴിഞ്ഞ രണ്ടുദിവസം മുന്പ് വനിത സഖാവിന് ക്യാന്സര് പോയിട്ട് ജലദോഷം പോലുമില്ലെന്ന മെസേജുകള് സോഷ്യല് മീഡിയയില് പരന്നു. ഇതോടെ സഹായം അഭ്യര്ഥിച്ചുള്ള പോസ്റ്റ് സുനിത ദേവദാസ് മുക്കി. ഇതോടെ സോഷ്യല് മീഡിയയില് വന് പ്രതിഷേധം ഉയര്ന്നു. പണം നല്കിയവരെല്ലാം തട്ടിപ്പിനെതിരേ രംഗത്തെത്തി. വിഷയം വിവാദമായതോടെ വനിത സഖാവും പോസ്റ്റ് മുക്കി. എന്നാല്, സഹായിച്ചവരെല്ലാം പണം തിരികെ ആവശ്യപ്പെട്ട് രംഗത്തു വരുകയായിരുന്നു.
തട്ടിപ്പ് അറിഞ്ഞ ശേഷമായിരിക്കാം സുനിത ദേവദാസ് ഇത്തരത്തിലൊരു പോസ്റ്റും ഇട്ടിരുന്നു- യുവതിയുടെ ചികിത്സയ്ക്കു വേണ്ടി നമ്മള് പണം പിരിച്ചിരുന്നു. ഇപ്പോള് ചികിത്സക്ക് അത്യാവശ്യത്തിനുള്ള പണം ആയിട്ടുണ്ട്. നമ്മല് പിരിവ് തത്കാലം നിര്ത്തുന്നു പൈസയുടെ കണക്കും കാര്യങ്ങളും ഒക്കെ യുവതി ആശുപത്രിയില് നിന്ന് വന്നതിനു ശേഷം വിശദമായി പോസ്റ്റ് ഇടാം (ബാങ്ക് സ്റ്റേറ്റ്മെന്റും ആശുപത്രി ബില്ലുകളും ഉള്പ്പെടെ) സഹായിച്ച എല്ലാവര്ക്കും നന്ദി, സ്നേഹം. ഇങ്ങനെയൊക്കെയല്ലേ നമ്മള് മനുഷ്യരാകുന്നത്. എന്നൊരു പോസ്റ്റും സുനിത ചെയ്തിരുന്നു. എന്നാല്, തട്ടിപ്പ് പുറത്തായതോടെ ഈ പോസ്റ്റും സുനിത മുക്കി. ഫിറോസ് കുന്നംപറമ്പിലിന്റേതടക്കം സാമ്പത്തിക ഇടപാടുകള് ആരോപണ വിധേയമായ സമയത്ത് തന്നെയാണ് ഇത്തരത്തില് ചികിത്സസഹായത്തിന്റെ പേരില് കൂടുതല് തട്ടിപ്പിന്റെ വിവരങ്ങള് പുറത്ത് വരുന്നത്.
