കാസര്ഗോഡ് : മഞ്ചേശ്വരം നിയമസഭാ മണ്ഡലത്തിലെ ഫലം പുറത്തുവന്നതില് വോട്ടിങ് നിരക്ക് ഉയര്ത്തി ബിജെപി രണ്ടാം സ്ഥാനത്ത്. രബിജെപിയുടെ രവീശ തന്ത്രി കുണ്ടാര് ഇത്തവണ മുമ്പത്തേതിനെ അപേക്ഷിച്ച് വോട്ടിങ് നിരക്കില് വന് വര്ധനവാണ് ഉണ്ടായിരിക്കുന്നത്.
മുസ്ലിം ലീഗ് സ്ഥാനാര്ത്ഥി എം.സി. കമറുദ്ദീന് 7923 വോട്ടിന്റെ ഭൂരിപക്ഷത്തിലാണ് ഇത്തവണ ജയിച്ചത്. 95407 വോട്ടുകളാണ് മൊത്തം നേടിയത്. ബിജെപിയുടെ സ്ഥാനാര്ത്ഥി 57484 വോട്ടുകളാണ് നേടി. എന്നാല് മണ്ഡലത്തില് സിപിഎമ്മിന്റെ വോട്ടിങ് നില കുത്തനെ ഇടിയുകയാണ് ചെയ്തത്. പതിനായിരത്തോളം വോട്ടുകളാണ് സിപിഎം സ്ഥാനാര്ത്ഥിക്ക് കുറഞ്ഞിരിക്കുന്നത്.
2016ല് സിപിഎം സ്ഥാനാര്ത്ഥിയായിരുന്ന കുഞ്ഞമ്പു 42565 വോട്ട് നേടിയപ്പോള്, ഇത്തവണയത് 38233 ആയി കുറയുകയാണ് ചെയ്തത്. കഴിഞ്ഞ തെരഞ്ഞെടുപ്പിലും ബിജെപിയായിരുന്നു രണ്ടാം സ്ഥാനത്ത്. 2016 മുസ്ലിം ലീഗ് സ്ഥാനാര്ത്ഥിയായ പി.വി. അബ്ദുള് റസാഖ്- 56870 വോട്ട് നേടിയപ്പോള് ബിജെപിയുടെ കെ. സുരേന്ദ്രന് 56787 വോട്ടാണ് നേടിയത്. എന്നാല് സിപിഐഎം സ്ഥാനാര്ത്ഥി സി.എച്ച്. കുഞ്ഞമ്പു 42565 വോട്ട് നേടിയാണ് ഇത്തവണ 38000 ആയി കുറഞ്ഞിരിക്കുന്നത്. സിപിഎമ്മിന്റെ വോട്ടുകള് ലീഗിനായി അട്ടിമറിച്ചിട്ടുണ്ടെന്നും ആരോപണം ഉയര്ന്നിട്ടുണ്ട്.
അതേസമയം മുന് വര്ഷങ്ങളിലെ കണക്കുകള് പരിശോധിച്ചാല് മണ്ഡലത്തില് ഇടതുപക്ഷത്തോടുള്ള ചായ്വ് ജനങ്ങളില് കുറഞ്ഞുവരികയാണ് എന്നാണ് സൂചിപ്പിക്കുന്നത്. പതിനായിരത്തോളം വോട്ടുകളാണ് കുറയുന്നത്. ഇവ വലത്- ഇടത് പക്ഷത്തിന്റെ ഒത്തു കളിയാണെന്നും ആരോപണമുണ്ട്.
