തിരുവനന്തപുരം: ശ്രീകുമാര് മേനോനെതിരെ താന് കഴിഞ്ഞ വര്ഷം ഫേസ്ബുക്കില് പങ്കുവച്ച വീഡിയോ ചെയര് ചെയ്ത് പിസി ജോര്ജിന്റെ മകന് ഷോണ് ജോര്ജ്. രണ്ടാമൂഴം എന്ന സിനിമ വെറുമൊരു തട്ടിപ്പാണെന്നും മഞ്ജൂവാര്യര് ഉള്പ്പെടെയുള്ളവരെ തനിക്കൊപ്പം നിര്ത്താനുള്ള ശ്രീകുമാറിന്റെ അടവായിരുന്നെന്നുമാണ് കഴിഞ്ഞവര്ഷം ഷോണ് ജോര്ജ് പുറത്തുവിട്ട വീഡിയോയില് പറയുന്നത്. 2018 ഒക്ടോബര് പതിനൊന്നിനായിരുന്നു വിഡിയോ അപ്ലോഡ് ചെയ്തത്. പിസി ജോര്ജ് ഇതൊക്കെ നേരത്തേ പറഞ്ഞതാണെന്നും ഞാനിതു ഇന്നുപറയുന്നതല്ലെന്നുമായിരുന്നു വീഡിയോടൊപ്പം അദ്ദേഹം കുറിച്ചിരിക്കുന്നത്.
നടി ആക്രമിക്കപ്പെട്ട വിഷയവുമായി ബന്ധപ്പെട്ട് ദിലീപ് അറസ്റ്റിലാകുമ്പോള് ഇതിന്റെ പുറകില് പ്രമുഖ സംവിധായകനുണ്ടെന്ന് പി.സി. ജോര്ജ് പറഞ്ഞിരുന്നു. ദിലീപിനെതിരെ ഗൂഢാലോചന നടത്തിയ സംവിധായകന് പുറത്തിറക്കാന് പോകുന്നുവെന്നു പറയപ്പെടുന്ന ബ്രഹ്മാണ്ഡപടം രണ്ടാമൂഴം ഒരു തട്ടിപ്പാണെന്നും അതൊരിക്കലും നടക്കാന് പോകുന്നില്ലെന്നും പിസി ജോര്ജ് വ്യക്തമാക്കിയിരുന്നു. എന്നാല് അന്നദ്ദേഹമിത് പറയുമ്പോള് ഇവിടുത്തെ മാധ്യമങ്ങളും പൊതുസമൂഹവും അദ്ദേഹത്തെ വേട്ടയാടി. ഇന്ന് എം.ടി സാറും ഇത് ശരിവെച്ചിരിക്കുകയാണ്. ഈ പ്രോജക്ട് നടക്കില്ലെന്നു മാത്രമല്ല അദ്ദേഹത്തെയും ഈ സംവിധായകന് വഞ്ചിച്ചിരിക്കുന്നുവെന്നും ഷോണ് ജോര്ജ് പറഞ്ഞു.
നടി പീഡിപ്പിക്കപ്പെട്ട സംഭവത്തെ കുറിച്ചും ഈ കേസിലെ ശ്രീകുമാര് മേനോന്റെ ഇടപെടലിനെ സംബന്ധിച്ചും തുറന്ന് പറയാന് മഞ്ജു വാര്യര് തയ്യാറാകണം. കാരണം അതിന് മഞ്ജുവിന് മാത്രമേ കഴിയുകയുള്ളുവെന്നും ഷോണ് പറയുന്നു.
