കൊച്ചി:ബലാത്സംഗത്തെ എതിര്ക്കാന് കഴിഞ്ഞില്ലെങ്കില് ആസ്വദിക്കണമെന്ന് ഹൈബി ഈഡന്റെ ഭാര്യയുടെ ‘വെള്ളപ്പൊക്കത്തെ’ ഉദാഹരിച്ചുള്ള പോസ്റ്റിനെതിരെ സോഷ്യല് മീഡിയയില് പ്രതിഷേധം. വെള്ളപ്പൊക്കത്തെ കുറിച്ചുള്ള പോസ്റ്റിലാണ് എറണാകുളം എംപി ഹൈബി ഈഡന്റെ ഭാര്യ അന്ന ലിന്ഡയുടെ ബലാത്സംഗത്തെ തമാശവത്കരിച്ചുള്ള പരാമര്ശം. ഹൈബി ഈഡന് ഐസ്ക്രീം കഴിക്കുന്നതിന്റെ വീഡിയോക്കൊപ്പം വെള്ളപ്പൊക്കത്തെ ആസ്വദിക്കുന്ന രീതിയിലാണ് ലിന്ഡയുടെ പോസ്റ്റ്.
ജനങ്ങള്ക്ക് പ്രാണവേദന നേതാക്കള്ക്ക് വീണ വായനയെന്നാണ് ഒരാള് പോസ്റ്റിനു കമന്റിട്ടിരിക്കുന്നത്. ബലാത്സംഗത്തിനു ഇരയാകപ്പെട്ടവര്ക്കെ അതിന്റെ പ്രയാസം മനസിലാകുവെന്നും ഇത്തരം പ്രസ്ഥാവന അവരെ അപമാനിക്കുന്നതാണെന്നും പോസ്റ്റിനെ വിമര്ശിച്ച് നിരവധിപേര് രംഗത്തുവന്നു. എതിര്ക്കാന് കഴിഞ്ഞില്ലെങ്കില് ആസ്വാദിക്കുക എന്ന പാഠം ലിന്ഡ എവിടുന്ന് പഠിച്ചതാണെന്നായിരുന്നു ഒരാളുടെ ചോദ്യം. പ്രതിഷേധത്തെ തുടര്ന്ന് ലിന്ഡ പോസ്റ്റ് ഡിലീറ്റ് ചെയ്ത് മാപ്പു പറഞ്ഞു.
ലിന്ഡയുടെ പോസ്റ്റില് കമന്റായി റോസാപ്പൂ പങ്കുവച്ച സിന്ധു ജോയിക്കെതിരെയും പ്രതിഷേധം ഉയരുന്നുണ്ട്. കൊച്ചി നഗരത്തെ മുക്കിയ വെള്ളപ്പൊക്കത്തില് എറണാകുളം എംപിയായ ഹൈബി ഈഡന്റെ വീട്ടിലും വെള്ളം കയറിയിരുന്നു. വീട്ടിന് ചുറ്റും വെള്ളം നിറഞ്ഞപ്പോള് റെസ്ക്യൂ ബോട്ടില് കുഞ്ഞിനെ സുരക്ഷിത സ്ഥാനത്തേക്ക് മാറ്റുന്ന വീഡിയോയും ഒപ്പം സ്ഥലത്തില്ലാത്ത ഹൈബി ഈഡന് എംപി ആസ്വദിച്ച് സിസ്ലേഴ്സ് കഴിക്കുന്ന വീഡിയോയുമാണ് പോസ്റ്റിലുണ്ടായിരുന്നത്. എംഎല്എ ആയിരുന്ന ഹൈബി രാജിവെച്ച ഒഴിവില് എറണാകുളത്ത് ഇന്നലെ നടന്ന ഉപതെരഞ്ഞെടുപ്പില് പോളിംഗ് ശതമാനത്തെ മഴ ഗണ്യമായി കുറച്ചിരുന്നു.
