മഞ്ചേശ്വരം: നിയോജക മണ്ഡലം ഉപതെരെഞ്ഞെടുപ്പില് എന്ഡിഎ സ്ഥാനാര്ത്ഥി രവീശ തന്ത്രി കുണ്ടാറിന്റെ കൊട്ടിക്കലാശം ആവേശം നിറഞ്ഞതായി മാറി. ഡിജെ സബ്ദ വിന്യാസം കുമ്പള നഗരത്തെ പ്രകമ്പനം കൊള്ളിച്ചു. ബിജെപി ദേശീയ നിര്വ്വാഹക സമിതി അംഗം പി.കെ.കൃഷ്ണദാസിന്റെയും ജില്ലാ പ്രസിഡന്റ് അഡ്വ.കെ. ശ്രീകാന്തിന്റെയും അനന്ദ നൃത്തം ഏവരേയും ഹര്ഷപുളകിതമാക്കി. അഭിവൃദ്ധിട് രാജകീയ ഇജ്ജ( വികസനത്തില് രാഷ്ട്രീയമില്ല)…മോദിജി പണ്ടേറ് യാന് പ്രധാനമന്ത്രി അത്ത്..നൂറ്റമപ്പകോട്ടി ഭാരതീയറ്ന പ്രധാന സേവകി. അഞ്ചനെ യാന് ഗല്ത്ത്ണ്ട ഷാസകെ അത്ത്… നിക്ലെനാ സേവകി.. (മോദിജി പറഞ്ഞു ഞാന് പ്രധാനമന്ത്രിയല്ല. 130 കോടി ഭാരതീയരുടെ പ്രധാന സേവകന്. അതുപോലെ മഞ്ചേശ്വരത്ത് നിന്ന് ഞാന് ജയിച്ചാല് ജനങ്ങളുടെ സേവകനായിരിക്കും).. തുളുവില് രവീശ തന്ത്രി കുണ്ടാറിന്റെ പ്രസംഗം കൂടിയായപ്പോള് കൊട്ടിക്കലാശത്തിന്റെ അവസാന നിമിഷങ്ങള് അത് എന്ഡിഎയുടെ വിജയ തരംഗത്തിന്റെ സൂചനകള് വിളിച്ചോതുന്നതായി മാറി. എല്ഡിഎഫിന്റെയും യുഡിഎഫിന്റെയും കൊട്ടിക്കാലശത്തെ കവച്ച് വെക്കുന്നതരത്തില് പൂക്കാവടി, നാസിക് ബാന്റ് എന്നിവ കൊഴുപ്പേകി.
കുമ്പളയില് നടന്ന പരിപാടിയില് സ്ത്രീകളടക്കം നിരവധി പേര് സംബന്ധിച്ചു. നരേന്ദ്രമോദിയുടേയും രവീശ തന്ത്രിയുടേയും പ്ലക്കാര്ഡുകള് എന്തിയ പ്രവര്ത്തകര് തരംഗം സൃഷ്ടിച്ചു. ബിജെപി സംസ്ഥാന സെക്രട്ടറി വി.കെ.സജീവന്, ദേശീയ സമിതി അംഗം സഞ്ചീവ ഷെട്ടി, സംസ്ഥാന വൈസ് പ്രസിഡന്റ് പ്രമീള സി നായക്, സംസ്ഥാന സെല് കോര്ഡിനേറ്റര് കെ.രഞ്ജിത്ത് ജില്ലാ ജന.സെക്രട്ടറിമാരായ എ.വേലായുധന്, പി.രമേശ്, സംസ്ഥാന സമിതി അംഗങ്ങളായ പി.സുരേഷ് കുമാര് ഷെട്ടി, അഡ്വ.വി.ബാലകൃഷ്ണഷെട്ടി, ജില്ലാ വൈസ് പ്രസിഡന്റുമാരായ അഡ്വ.സദാനന്ദറൈ, സത്യശങ്കര ഭട്ട്, രാമപ്പ മഞ്ചേശ്വരം, സെക്രട്ടറിമാരായ എം.ബല്രാജ്, എന്.സതീഷ്, ഖജാന്ജി ജി.ചന്ദ്രന്, മഞ്ചേശ്വരം മണ്ഡലം പ്രസിഡന്റ് സതീഷ്ചന്ദ്ര ഭണ്ഡാരി, ജന.സെക്രട്ടറിമാരായ ആദര്ശ് മഞ്ചേശ്വരം, മുരളീധരയാദവ്, യുമോര്ച്ച ജില്ലാ പ്രസിഡന്റ് രാജേഷ് കൈന്താര് തുടങ്ങിയവര് സംബന്ധിച്ചു.ഹൊസങ്കടി, ഉപ്പള എന്നിവടങ്ങളില് നടന്ന കൊട്ടിക്കലാശത്തില് നിരവധി പ്രവര്ത്തകര് സംബന്ധിച്ചു.
