കോന്നി : ഉപതെരഞ്ഞെടുപ്പില് കോന്നി മണ്ഡലത്തിലെ ഇടതു മുന്നണി സ്ഥാനാര്ത്ഥി കെ.യു. ജനീഷ് കുമാര് സര്വ്വകലാശാല പരീക്ഷയില് തിരിമറി നടത്തിയതായും ആരോപണം. സ്ത്രീത്വത്തെ അപമാനിച്ച കേസില് പ്രതിയെന്ന് കണ്ടെത്തിയതിനു പിന്നാലെയാണ് അടുത്ത വിവാദവും പുറത്തുവന്നിരിക്കുന്നത്.
കോണ്ഗ്രസ് നേതാവ് ജ്യോതിഷ് ചാമക്കാലയാണ് സ്ഥാനാര്ത്ഥിക്കെതിരെ ആരോപണം ഉന്നയിച്ചിരിക്കുന്നത്. 2003ലെ ബിഎ എക്ണോമിക്സ് അവസാന വര്ഷ പരീക്ഷയില് ജനീഷ് കുമാര് തിരിമറി നടത്തിയെന്നാതാണ് പുതിയ വിവാദം. ഇതിനെ തുടര്ന്ന് അദ്ദേഹത്തെ സര്വ്വകലാശാല ഡീബാര് ചെയ്തെന്നും ജ്യോതികുമാര് അറിയിച്ചു.
എംജി യൂണിവേഴ്സിറ്റി മാര്ക്ക് ദാനവുമായി ബന്ധപ്പെട്ട് ഉന്നത വിദ്യാഭ്യാസ വകുപ്പ് മന്ത്രി കെ.ടി. ജലീല് ഉള്പ്പടെ സംസ്ഥാന സര്ക്കാരിനെതിരെയും ആരോപണം ഉയര്ന്നിരിക്കുകയാണ്. തിങ്കളാഴ്ച്ച ഉപതെരഞ്ഞെടുപ്പ് നടക്കാനിരിക്കേ ഇത് ഉപതെരഞ്ഞെടുപ്പിനെ ബാധിക്കുമോയെന്ന ആശങ്കയിലാണ് ഇടത് പക്ഷം. അതിനിടയിലാണ് കോന്നി ഉപതെരഞ്ഞെടുപ്പിലെ സിപിഎം സ്ഥാനാര്ത്ഥിയും ഡിവൈഎഫ്ഐ നേതാവുമായ ജനിഷിനെതിരെ ആരോപണങ്ങള് ഉയരുന്നത്.
അതേസമയം എംജി സര്വ്വകലാശാല മാര്ക്ക് ദാനവുമായി ബന്ധപ്പെട്ട് പുറത്തുവരുന്ന വാര്ത്തകള് ജനീഷിനെതിരെയുള്ള ആരോപണങ്ങളുടെ തുടര്ച്ച ആണോയെന്ന് പരിശോധിക്കണമെന്നും ജ്യോതികുമാര് കുട്ടിച്ചേര്ത്തു.
