തിരുവനന്തപുരം: മഞ്ചേശ്വരത്ത ഉപതെരഞ്ഞെടുപ്പില് മുസ്ലീം ലീഗിന് വേണ്ടി പ്രചരണത്തിനിറങ്ങിയതിന് വിമര്ശിച്ച യുവതിയെ സോഷ്യല് മീഡിയയില് വ്യക്തിഹത്യ ചെയ്ത് ഫിറോസ് കുന്നംപറമ്പില്. വിമര്ശനം ഉന്നയിച്ച യുവതിയുടെ പേര് പരാമര്ശിക്കാതെ ഫേസ്ബുക്ക് ലൈവില് എത്തിയാണ് ഇയാള് സ്ത്രീത്വത്തെ അപമാനിക്കുന്ന രീതിയിലുള്ള വാക്കുകള് പ്രയോഗിച്ചത്.
സ്വന്തം നാടിനും വീടിനും അപമാനമായ രീതിയില് ജീവിക്കുന്ന ഒരു സ്ത്രീ എന്തെങ്കിലും എഴുതിയാല് അത് തന്നെ ബാധിക്കില്ല. തന്നെ വിമര്ശിച്ചത് കുടുംബത്തില് ഒതുങ്ങാത്ത സ്ത്രീയാണ്, പച്ചയ്ക്ക് വേശ്യാവൃത്തി ചെയ്യുന്ന സ്ത്രീ, ശരീരത്തിന്റെ സുഖത്തിന് വേണ്ടി മാത്രം ജീവിക്കുന്ന സ്ത്രീ, ആരാണെന്ന് അറിയാത്തവരുടെ മുന്നില് പോലും ശരീരം കാഴ്ച വെയ്ക്കുന്ന സ്ത്രീ’ എന്നിങ്ങനെയാണ് ഫിറോസ് ഈ യുവതിയെ ഫേസ്ബുക്ക് ലൈവിലെത്തി വിശേഷിപ്പിച്ചത്. വിമര്ശനം ഉന്നയിച്ച യുവതിക്കെതിരെ മതവികാരം ഇളക്കി വിടാന് പ്രവാചകനെ വരെ ഇദേഹം കൂട്ടുപിടിച്ചിട്ടുണ്ട്. പ്രവാചകനെതിരെ യുവതി ഫേസ്ബുക്കില് എഴുതിയിട്ടുണ്ട്. കൂടാതെ വേശ്യയെ പോലെ ജീവിക്കുന്ന ഒരു സ്ത്രീ ഉന്നയിക്കുന്ന ആരോപണങ്ങള്ക്കൊന്നും മറുപടി പറയേണ്ട ആവശ്യം തനിക്കില്ലെന്നും പറഞ്ഞ് കൊണ്ടാണ് ഫിറോസിന്റെ ഫേസ്ബുക്ക് ലൈവ് അവസാനിപ്പിക്കുന്നത്.
മഞ്ചേശ്വരത്തെ യുഡിഎഫ് സ്ഥാനാര്ത്ഥിയും മുസ്ലിംലീഗ് നേതാവുമായ എം സി കമറുദ്ദീനായി ഫിറോസ് കുന്നംപറമ്പില് വോട്ട് അഭ്യര്ത്ഥിക്കുന്ന പടം അടക്കം കഴിഞ്ഞ ദിവസം യുവതി ഫേസ്ബുക്കില് പോസ്റ്റ് ചെയ്തിരുന്നു. ഇതാണ് ഫിറോസ് കുന്നംപറമ്പിലിനെ പ്രകോപിപ്പിച്ചത്. സിപിഎം അനുഭാവിയായ യുവതിയെ ഏറ്റവും നിന്ദ്യമായ രീതിയില് അപമാനിച്ചിട്ടും ഇതുവരെ ആര്യം പരസ്യ പ്രതികരണത്തിന് മുതിര്ന്നിട്ടില്ല. സിപിഎം സൈബര് ഗ്രൂപ്പുകളും ഈ വിഷയം അറിഞ്ഞിട്ടും പ്രതികരിക്കാന് തയാറായിട്ടില്ല. അതേ സമയം സ്ത്രീത്വത്തെ അപമാനിച്ച ഫിറോസ് കുന്നുംപറമ്പിലിനെതിരെ സോഷ്യല് മീഡിയില് വ്യാപകമായ വിമര്ശനമാണ് ഉയരുന്നത്.
