ന്യൂദല്ഹി: ബാര് റസ്റ്റോറന്റുകള്ക്ക് കര്ശന നിര്ദേശവുമായി ദല്ഹി സര്ക്കാര്. സ്റ്റോര് റൂമില് നിന്ന് ബാര് കൗണ്ടറിലേക്ക് മാറ്റുന്ന വൈന്, ബിയര് എന്നിവയുടെ എല്ലാ സ്റ്റോക്കുകളും 3 ദിവസത്തിനുള്ളില് വില്ക്കണമെന്നും 1,500 രൂപയ്ക്ക് താഴെയുള്ള വിലകുറഞ്ഞ മദ്യ ബ്രാന്ഡുകള് 5 ദിവസത്തിനുള്ളില് മാറ്റണമെന്നും ഉത്തരവില് പറയുന്നു.
ആഗസ്ത് 26 ന് പുറത്തിറക്കിയ വിജ്ഞാപന പ്രകാരം 6,000 രൂപ വരെ വിലയുള്ള ബ്രാന്ഡുകള്ക്ക് എട്ട് ദിവസം അനുവദിച്ചിരിന്നു. സമീപകാലത്ത് നടന്ന റെയ്ഡുകളില് ചില റസ്റ്റോറന്റുകളുടെ ലൈസന്സ് കട്ടാക്കിയതും വന് തുക പിഴയായി ഈടാക്കേണ്ടി വന്നതുമാണ് ഇത്തരമൊരു തീരുമാനത്തിലേക്ക് സര്ക്കര് നീങ്ങിയത്. ഓഗസ്റ്റ് 31 ന് രാവിലെ 10 ന് ഉത്തരവ് പ്രാബല്യത്തില് വരും.
