മുംബൈ:ഡിസ്‌കവറി ചാനലിലെ മാന്‍ വെര്‍സസ് വൈല്‍ഡിന്റെ പ്രധാനമന്ത്രി നരേന്ദ്ര മോദി പങ്കെടുത്ത എപ്പിസോഡ് ബാര്‍ക്കിന്റെ കണക്കുകള്‍ പ്രകാരം ഇന്‍ഫോടെയിന്‍മെന്റ് വിഭാഗത്തില്‍ കണ്ടത് 6.1 മില്ല്യണ്‍ ആളുകള്‍. 6.9 ദശലക്ഷം ഇംപ്രഷനുകള്‍ നേടിയ ഇന്ത്യയിലെ ചരിത്രത്തിന്റെ എക്കാലത്തെയും ഉയര്‍ന്ന റേറ്റിംഗുള്ള ഷോയായി ഡിസ്‌കവറിയുടെ പ്രീമിയര്‍ ഉയര്‍ന്നു.
ഓഗസ്റ്റ് 12 ന് സംപ്രേഷണം ചെയ്ത പ്രത്യേക എപ്പിസോഡാണ് ഇന്‍ഫോടെയ്ന്‍മെന്റ് വിഭാഗത്തില്‍ എക്കാലത്തെയും ഉയര്‍ന്ന റേറ്റിങ്ങ് രേഖപ്പെടുത്തിയത്. ഡിസ്‌കവറി ചാനലിനെ (3.05 ദശലക്ഷം ഇംപ്രഷനുകള്‍) ആഴ്ചയില്‍ മൂന്നാം സ്ഥാനത്ത് എത്തിച്ചു. ഡിസ്‌കവറി ചാനലിന് തൊട്ടു മുന്നിലുള്ളത് സ്റ്റാര്‍ പ്ലസിസും (3.67 ദശലക്ഷം ഇംപ്രഷനുകള്‍), സീ ടിവിയുമാണ് (3.3 ദശലക്ഷം ഇംപ്രഷനുകള്‍)
