ഭാരതത്തേയും നരേന്ദ്ര മോദിയെയും അധിക്ഷേപിച്ച് പാക് അനുകൂലികള്‍; ദക്ഷിണ കൊറിയയില്‍ പ്രതിഷേധക്കാരുടെ ഇടയിലേക്ക് ഇരച്ച് കയറി ‘ഇന്ത്യ സിന്ദാബാദ്’ വിളിച്ച് ഷാസിയ ഇല്‍മി

ദക്ഷിണ കൊറിയ:  ഭാരതത്തിനും, പ്രധാനമന്ത്രി നരേന്ദ്ര മോദിക്കുമെതിരെ മുദ്രവാക്യമുയര്‍ത്തിയ പാക് അനുകൂലികളെ ‘ഇന്ത്യ സിന്ദാബാദ് ‘ എന്ന് വിളിച്ച് നേരിട്ട് ബിജെപി, ആര്‍.എസ്.എസ് നേതാക്കള്‍. യു എന്നില്‍ കശ്മീര്‍ വിഷയത്തില്‍ നടന്ന ചര്‍ച്ചയില്‍ പാകിസ്ഥാന്‍ ഒറ്റപ്പെട്ടതിനെ തുടര്‍ന്നാണ് സീയൂളിലെ പാകിസ്ഥാനികള്‍ ഇന്ത്യ വിരുദ്ധ മുദ്രാവാക്യമുയര്‍ത്തി തെരുവിലിറങ്ങിയത്.

ഭാരതം ഭീകര രാഷ്‌ട്രമാണെന്നും കശ്മീരിനു സ്വാതന്ത്ര്യം വേണമെന്നും തങ്ങള്‍ അത് നേടിയെടുക്കും എന്ന മുദ്രാവാക്യങ്ങളുമായാണ് ഈ കൂട്ടം പ്രതിഷേധിച്ചത്‌. നരേന്ദ്രമോദി അപകടകാരിയാണെന്നും പ്രതിഷേധിച്ചത്‌ മുദ്രവാക്യമൂയര്‍ത്തി.

കൊറിയയില്‍ സ്വകാര്യസന്ദര്‍ശനത്തിനെത്തിയ ബിജെപി എംപിയും, മാധ്യമ പ്രവര്‍ത്തകയുമായ ഷാസിയ ഇല്‍മി ഇതിനെ എതിര്‍ക്കുകയും, ഇന്ത്യവിരുദ്ധ മുദ്രാവക്യങ്ങള്‍ ഉയര്‍ത്തരുതെന്ന് ആവശ്യപ്പെടുകയും ചെയ്തു. എന്നാല്‍ ശാന്തമായി പ്രതികരിച്ച ഷാസിയകെതിരെ രോഷത്തോടൊണ് പാക് അനുകൂലികള്‍ പെരുമാറിയത്. തുടര്‍ന്ന് അവിടെയുണ്ടായിരുന്ന ഇന്ത്യക്കാര്‍ ഷാസിയയുടെ നേതൃത്വത്തില്‍ ഇന്ത്യന്‍ അനുകൂലമുദ്രാവാക്യങ്ങള്‍ മുഴക്കിയതോടെ പൊലീസ് ഇരുവരെയും അനുനയത്തിലാക്കാന്‍ ശ്രമിച്ചു.

അനാവശ്യമായി പ്രകടനം നടത്തുകയും, ഇന്ത്യ വിരുദ്ധ മുദ്രാവാക്യമുയര്‍ത്തുകയും ചെയ്ത പാക് അനുകൂലികള്‍ക്ക് താക്കീത് നല്‍കി വിട്ടയച്ച പൊലീസ് ഷാസിയ അടക്കമുള്ള നേതാക്കളെയും ഇന്ത്യക്കാരെയും സുരക്ഷിതമായി താമസ സ്ഥലങ്ങളില്‍ എത്തിക്കുകയും ചെയ്തു. വിവരം ഇന്ത്യന്‍ എംബസിയില്‍ അറിയിച്ചതായി ഷാസിയ അറിയിച്ചു.

#WATCH Seoul, South Korea: BJP and RSS leaders including Shazia Ilmi confront Pakistan supporters raising anti-Modi and anti-India slogans pic.twitter.com/z4zzC5VHSG

— ANI (@ANI) August 17, 2019