ന്യൂദല്ഹി: പ്രളയത്തിനിടെയും പിണറായി സര്ക്കാര് ആറ്റിങ്ങലില് തോറ്റമ്പിയ എ. സമ്പത്തിനെ പുനരധിവസിപ്പിച്ചു. സംസ്ഥാന സര്ക്കാരിന്റെ പ്രത്യേക പ്രതിനിധിയായി സമ്പത്ത് ഇന്ന് ഡല്ഹിയില് ചുമതലയേറ്റു. രണ്ടാം പ്രളയത്തിനിടെയും സര്ക്കാര് ഖജനാവ് കൊള്ളയടിക്കാന് ക്യാബിനറ്റ് റാങ്കോടെ പുതിയ നിയമനം പിണറായി സര്ക്കാര് നല്കിയിരിക്കുന്നത്. ദല്ഹിയില് സംസ്ഥാന സര്ക്കാരിന്റെ പ്രത്യേക പ്രതിനിധിയായാണ് സമ്പത്തിനെ നിയമിച്ചിരിക്കുന്നത്.
സംസ്ഥാന വിസകനത്തിനായുള്ള കേന്ദ്രാവിഷ്കൃത പദ്ധതികളും സഹായവും പരമാവധി നേടിയെടുക്കാനും, കേന്ദ്രസംസ്ഥാന ബന്ധം ദൃഢമാക്കാനുമാണ് പുതിയ നിയമനം എന്നാണ് ഔദ്യോഗിക വിശദീകരണം. സംസ്ഥാന പ്രതിനിധിയായി ദല്ഹിയില് നിയമിക്കപ്പെട്ട സമ്പത്തിന് പ്രത്യേക ഓഫീസും ജീവനക്കാരുമുണ്ടാകും. പുതിയ ഓഫീസിനു വേണ്ടി പുതിയ തസ്തികളുമുണ്ടാക്കും. ലോക്സഭാ തെരഞ്ഞെടുപ്പിലെ പരാജയത്തിന് ശേഷം സംസ്ഥാന രാഷ്ട്രീയത്തില് സജീവമായിക്കൊണ്ടിരുന്ന സമ്പത്തിനെ അപ്രതീക്ഷിതമായാണ് അസാധാരണ പദവി നല്കി പാര്ട്ടി ദല്ഹിയിലേക്ക് തിരിച്ച് എത്തിക്കുന്നത്.
2009 മുതല് പത്ത് വര്ഷക്കാലം ആറ്റിങ്ങല് എംപിയായിരുന്ന എ സമ്പത്ത് ഇക്കഴിഞ്ഞ ലോക്സഭാ തെരഞ്ഞെടുപ്പില് കോണ്ഗ്രസിന്റെ അടൂര് പ്രകാശിനോട് പരാജയപ്പെട്ടിരുന്നു. ഇടതുകോട്ടയായി വിശേഷിപ്പിക്കപ്പെടുന്ന ആറ്റിങ്ങലിലെ പരാജയം വലിയ ആഘാതമാണ് സിപിഎമ്മിന് നല്കിയത്. അതേസമയം സംസ്ഥാനം സാമ്പത്തിക പ്രതിസന്ധി നേരിടുമ്പോള് ക്യാബിനറ്റ് റാങ്കോടെ സമ്പത്തിനെ നിയമിച്ചത് രാഷ്ട്രീയ വിവാദങ്ങള്ക്ക് കാരണമായിട്ടുണ്ട്.
