തിരുവനന്തപുരം: കൊലയാളി കുഞ്ഞനന്തന്റെ മകന് നടത്തിയ വ്യാജ പ്രചരണം എറ്റുപിടിച്ച് സിപിഎം മാധ്യമങ്ങളായ ദേശാഭിമാനിയും കൈരളിയും. കുഞ്ഞനന്തന്റെ മകള് കണ്ണൂര് തലശ്ശേരി സ്വദേശിയായ ശബ്ന മനോഹരന് പ്രചരിച്ച വ്യാജ വാട്സ്ആപ്പ് സ്ക്രീന് ഷോട്ടുകട്ടുകളാുമായാണ് സിപിഎമ്മിന്റെ മാധ്യമങ്ങള് സമൂഹത്തില് ഭിന്നത ഉണ്ടാക്കാന് ശ്രമിക്കുന്നത്. പ്രളയം നേരിടാന് പിണറായി സര്ക്കാര് പരാജയപ്പെട്ടപ്പോള് സര്ക്കാര് അനുകൂല തരംഗം ഉണ്ടാക്കാനാണ് ദേശാഭിമാനിയും കൈരളിയും ശ്രമിക്കുന്നത്.
ആര്.എസ്.എസിനെയും പ്രളയ രക്ഷാ പ്രവര്ത്തനത്തില് മുന്നിട്ടു നില്ക്കുന്ന സേവാഭാരതിക്കെതിരെയും വ്യാപകമായി വ്യാജ പ്രചരണങ്ങള് അഴിച്ചുവിടുകയാണിവരുടെ ലക്ഷ്യം. കുഞ്ഞനന്തന്റെ മകള് പ്രചരിപ്പിച്ച സ്ക്രീന് ഷോട്ടുകള് സിപിഎമ്മിന്റെ സൈബര് അടിമകള് തന്നെ വ്യാജമായി ഉണ്ടാക്കിയതാണ്. ശബ്നയാണ് ഇന്നലെ രാത്രിയിയോടെ വ്യാജമായി ഉണ്ടാക്കിയ ഈ സ്ക്രീന് ഷോട്ടുകള് വിവിധ സിപിഎം അനുകൂല ഗ്രൂപ്പുകളില് പ്രചരിപ്പിച്ചത്. തുടര്ന്ന് ഇത് സോഷ്യല് മീഡിയയില് വ്യാപകമായി പ്രചരിപ്പിക്കാന് നിര്ദ്ദേശം നല്കുകയായിരുന്നു. ഇതിന്റെ അടിസ്ഥാനത്തിലാണ് ഇന്നു രാവിലെ മുതല് സിപിഎമ്മിന്റെ കീഴില് പ്രവര്ത്തിക്കുന്ന സൈബര് ഗ്രൂപ്പുകള് സമൂഹത്തില് വിഭാഗിയത ഉണ്ടാക്കാക്കുന്ന പ്രചരണം ആരംഭിച്ചത്. കണ്ണൂര് ജില്ലയിലെ സിപിഎം സൈബര് അടിമകളാണ് ഈ സ്ക്രീന് ഷോട്ടുകള് നിര്മ്മിച്ചിരിക്കുന്നത്.
തുടര്ന്ന് കുഞ്ഞനന്തന്റെ മകളായ ശബ്ന മനോഹരന് ഈ സ്ക്രീന് ഷോട്ടുകള് പുറത്തുവിട്ട് സമൂഹത്തെ തെറ്റിദ്ധരിപ്പിക്കാന് ശ്രമിച്ചത്. ഇന്നലെ ധനകാര്യമന്ത്രി തോമസ് ഐസക്ക് സംഘപരിവാര് അനുകൂലികള് കുറ്റപ്പെടുത്തി ഒരു ഫേസ്ബുക്ക് പോസ്റ്റ് ഇട്ടിരുന്നു. ഇതിന് പിന്നാലെയാണ് മന്ത്രിയുടെ ആരോപണം ശരിയാണെന്ന് തെറ്റിദ്ധരിപ്പിക്കുന്ന രീതിയില് സിപിഎമ്മിന്റെ മുതിര്ന്ന നേതാവിന്റെ മകള് തന്നെ വ്യാജ സ്ക്രീന്ഷോട്ടുകള് നിര്മ്മിച്ച് പ്രചരിപ്പിച്ചത്. സ്ക്രീന് ഷോട്ടുകള് വ്യാജമായി നിര്മ്മിച്ചതാണെന്ന് മനസിലായതോടെ പലരും ഫേസ്ബുക്ക് പോസ്റ്റുകള് ഡിലീറ്റ് ചെയ്തിട്ടുണ്ട്.
