ന്യൂദല്ഹി: പ്രധാനമന്ത്രി രാജ്യത്തെ അഭിസംബോധന ചെയ്യാന് തെരഞ്ഞെടുത്ത സമയത്തിനും സവിശേഷത. 8-ാം മാസമായ ആഗസ്റ്റ് എട്ടിന് രാത്രി 8നാണ് നരേന്ദ്ര മോദി രാജ്യത്തെ ജനങ്ങളെ അഭിസംബോധന ചെയ്യുന്നത്. ഈ തിയതിയും സമയവും പ്രധാനമന്ത്രി തെരഞ്ഞെടുത്തതിന് പിന്നില് ആകാംക്ഷഭരിതരാണ് ജനങ്ങള്.
കഴിഞ്ഞ തവണ ശത്രു ഉപഗ്രഹങ്ങളെ തകര്ക്കാന് കഴിവുള്ള മിസൈല് ശക്തി ഇന്ത്യ ആര്ജിച്ച വാര്ത്തയുമായാണ് നരേന്ദ്ര മോദി രാജ്യത്തെ അഭിസംബോധന ചെയ്തത്. ജമ്മു കശ്മീരിന്റെ പ്രത്യേക പദവി എടുത്തുകളഞ്ഞ ശേഷമാണ് വീണ്ടും പ്രധാന മന്ത്രി ഇന്ന് രാത്രി എട്ടിന് രാജ്യത്തെ അഭിസംബോധന ചെയ്യുന്നത്. പി.എംഒയുടെ ഓഫീസാണ് ഇക്കാര്യം അറിയിച്ചിരിക്കുന്നത്.
ജമ്മു കശ്മീരിനെ വിഘടനവാദികളില് നിന്നും മോചിപ്പിച്ച തീരുമാനത്തെക്കുറിച്ചാകും പ്രധാനമന്ത്രി സംസാരിക്കുക എന്നാണ് സൂചന. മാര്ച്ച് 27നാണ് ഇതിനുമുമ്പ് പ്രധാനമന്ത്രി രാജ്യത്തെ അഭിസംബോധന ചെയ്തത്. ജന്മഭൂമിയുടെ ഫേസ്ബുക്ക് പേജിലും പ്രധാനമന്ത്രിയുടെ അഭിസംബോധന പ്രസംഗം തല്സമയം കാണാം.
