ന്യൂദല്ഹി: ജമ്മു കശ്മീരിന്റെ പ്രത്യേക പദവി എടുത്തുകളഞ്ഞ ബില് ആഭ്യന്തരമന്ത്രി അമിത് ഷാ ലോകസഭയില് അവതരിപ്പിക്കുന്നതിനിടെ ബഹളം വെയ്ക്കാന് എംപിമാരെ പ്രോല്സാഹിപ്പിച്ച് സോണിയ ഗാന്ധി. ജമ്മു കശ്മീരിലെ വിഘടനവാദികള്ക്കായി നിര്ത്താതെ മുദ്രാവാക്യം വിളിച്ചപ്പോള് തൊണ്ട പൊട്ടിയ എംപിമാര്ക്കു സോണിയാ ഗാന്ധി പഴ്സില്നിന്നു മിഠായി എടുത്തു നല്കുകയും കൂടുതല് ഉച്ചത്തില് മുദ്രാവാക്യം വിളിക്കാന് പ്രോത്സാഹിപ്പിക്കുകയും ചെയ്തു. എന്നാല് പഞ്ചാബ് അടക്കമുള്ള സംസ്ഥാനങ്ങളില് നിന്ന് എത്തിയ കോണ്ഗ്രസ് എംപിമാര് ഈ ബഹളത്തില് പങ്കെടുക്കാതെ കേന്ദ്ര സര്ക്കാരിന് മൗന പിന്തുണയും നല്കി.
കൊടിക്കുന്നില് സുരേഷ്, കെ.മുരളീധരന്, എം.കെ.രാഘവന്, ബെന്നി ബഹനാന്, അടൂര് പ്രകാശ്, ടി.എന്.പ്രതാപന്, ഹൈബി ഈഡന്, ഡീന് കുര്യാക്കോസ്, രാജ്മോഹന് ഉണ്ണിത്താന്, വി.കെ.ശ്രീകണ്ഠന് എന്നിവരാണ് ബഹളത്തിന് നേതൃത്വം നല്കിയത്. തുടര്ന്ന് ഇവര് സ്പീക്കറുടെ കസേരയ്ക്കു മുന്നിലെത്തി മുദ്രാവാക്യം വിളിച്ചു. തുടര്ന്ന് സ്പീക്കര് ശാസിച്ചതോടെ ഇവര് സീറ്റുകളിലേക്ക് മടങ്ങുകയായിരുന്നു.
ഇതിനിടെ സ്ഥലകാല ബോധമില്ലാതെ ആലത്തൂര് എം.പി. പാര്ലമെന്റില് പാട്ടുപാടുകയും ചെയ്തു. ഗൗരതരമായ ചര്ച്ച നടക്കുന്നതിനിടെ രമ്യ ഹരിദാസാണ് തന്റെ സീറ്റില് ഏഴുനേറ്റ് നിന്ന് പാട്ട് പാടാന് തുടങ്ങിയത്. എല്ലാവരും ഇതു ശ്രദ്ധിക്കാന് തുടങ്ങിയതോടെ തന്റെ പ്രതിഷേധമാണിതെന്ന് പറഞ്ഞ് രമ്യ സീറ്റില് ഇരിക്കുകയായിരുന്നു. കേരളത്തില് നിന്നുള്ള എംപിമാര്ക്ക് മാത്രമാണ് പാട്ടാണിതെന്ന് മനസിലായത്. ബാക്കിയുള്ള എംപിമാര് സംഗതി എന്തെന്ന് അറിയാതെ അന്തംവിട്ട് ഇരിക്കുകയായിരുന്നു.
ലോക്സഭയില് കോണ്ഗ്രസ്, ഡിഎംകെ, സിപിഎം, ആര്എസ്പി, തൃണമൂല് എന്നിവര് ജമ്മുവിലെ വിഘടനവാദികള്ക്ക് വേണ്ടി ബഹളവുമായി നടുത്തളത്തില് ഇറങ്ങിയപ്പോഴായിരുന്നു രമ്യയുടെ രംഗബോധമില്ലാത്തയുള്ള പാട്ടുപാടല്. കേരളത്തില് നിന്നുള്ള എംപിമാര് മലയാളത്തിലും തമിഴ്നാട്ടില് നിന്നുള്ളവര് തമിഴിലും മുദ്രാവാക്യം വിളിച്ചു. എന്നാല ഇവര് എന്താണ് വിളിച്ചു പറയുന്നതെന്ന് മറ്റ് എംപിമാര്ക്ക് മനസിലായില്ല. ഉത്തരേന്ത്യയില് നിന്നുള്ള പ്രതിപക്ഷ എംപിമാര് മലയാളം, തമിഴ് മുദ്രാവാക്യങ്ങള് ഏറ്റുചൊല്ലി.
